خلیج اردو آن لائن:
اتوار کے روز دبئی کی روڈ اینڈ ٹرانسپورٹ اتھارٹی کی جانب سے بتایا گیا کہ دبئی بھر کے 100 مقامات پر کی گئی انسپیکشن کے دوران 3303 خلاف ورزیاں رجسٹر کی گئی ہیں۔
یہ انسپیکشن مہم آرٹی اے کی جانب سے شروع کی گئی ایک بڑی مہم کا حصہ ہے جس میں معائنہ کیا جا رہا ہے کہ مسافرواور ڈرائیوروں کی جانب سے قواعد و ضوابط پر عمل کیا جا رہا ہےیا نہیں۔
کل خلاف ورزیوں میں سے 1459 خلاف ورزیاں بس میں سفر کرنے والے مسافروں کی جانب سے کی گئی تھیں، جن میں سے سب سے زیادہ تعداد دوران سفر کرایہ ادا نہ کرنے والوں کی تھی۔
جس کے بعد 1412 جرائم ٹیکسی ڈرائیوروں کی جانب سے کیے گئے، جن میں سے سب سے زیادہ تعداد مقررہ حد سے زیادہ مسافر ٹیکسی میں سوار کرنا تھی۔
مزید برآں، کرائے کی بسوں کے خلاف 105 جرائم نوٹ کیے گئے۔
100 جرائم ایسے تھے جن میں بغیر کرائےکے غیر قانونی طور پر مسافروں کو ایک جگہ سے دوسری جگہ لیجایا گیا۔
جبکہ لیمو زین کے ڈرائیوروں کے خلاف 90 کیسز رپورٹ کیے گئے۔
اس کے علاوہ دیگر جرائم اسکول بسوں، ابرا بوٹس، نول کارڈ کے استعمال کے حوالے سے تھیں۔
The campaign is part of RTA’s keenness to verify the compliance of riders, drivers and public transport means with the governing rules and regulations and bring it in line with the top global standards.
— RTA (@rta_dubai) January 17, 2021
آرٹی اے حکام کے اس مہم کے حوالے سے کہنا ہے کہ اس مہم کا مقصد نقل و حمل کے قواعد پر عمل درآؐمد کو یقینی بنانا اور ڈرائیوروں اور مسافروں کے برتاؤ کو مانیٹر کرنا ہے۔
Source: Gulf News
