تنخواہوں کی ادائیگی میں تاخیر کرنے والوں کیلئے جرمانوں کا اعلان کر دیا گیا

خلیج اردو

دبئی: متحدہ عرب امارات کی وزارت انسانی وسائل اور ایمریٹائزیشن موہری نے فرمان جاری کیا ہے جس کے مطابق وہ آجر جو تنخواہیں تاخیر سے ادا کرتے ہیں، جرمانوں کا سامنا کریں گے۔

 

آجروں کو تنخواہوں کی عدم ادائیگی کی صورت میں تیسرے اور دسویں دن یاددہانی کا نوٹس بھیجا جائے گا اور تنخواہوں کی ادائیگی میں ناکامی کی صورت میں جرمانہ ہوگا جس کیلئے طریقہ کار وضح کیا گیا ہے۔

 

وہ آجر جن کی کمپنی میں پچاس یا اس سے زائد ملازمین کام کرتے ہیں۔ کو وزارت کی جانب سے معائنوں کا سامنا ہوگا اور ان کو انتباہ دیا جائے گا اگر سترہ دن گزر جانے کے باوجود بھی انہیں تنخواہ ادا نہیں کی جاتی۔

 

 الرواد ایڈوکیٹس کے ڈاکٹر حسن الہیس نے کہا کہ یو اے ای میں 2009 سے اجرت کے تحفظ کا نظام نافذ ہے۔ نئی قرارداد میں تنخواہوں کی عدم ادائیگی کے خلاف سخت اقدامات کو نافذ کرنے کی کوشش کی گئی ہے تاکہ بہتر تعمیل کو یقینی بنایا جا سکے۔

 

"اگر مقررہ تاریخ سے 15 دنوں کے اندر ملازمین کو اجرت ادا نہیں کی جاتی ہے، تو آجر کو ادائیگی میں تاخیر پر غور کیا جائے گا، جب تک کہ ملازمت کے معاہدے میں اس کی وضاحت نہ کی گئی ہو، انہوں نے بتایا۔"

ملازم کی اجرت رجسٹرڈ تنخواہ کے دن کے بعد مہینے کے پہلے دن سے شروع ہوگی جیسا کہ ملازمت کے معاہدے میں بیان کیا گیا ہے۔ اگر ملازمت کے معاہدے میں مقررہ تاریخ کا تذکرہ نہیں کیا گیا ہے، تو ملازمین کو ماہ میں کم از کم ایک بار ان کی اجرت وصول کرنی چاہیے۔

 

 وزارت انسانی وسائل اور ایمریٹائزیشن کے ساتھ رجسٹرڈ کمپنیوں کے پاس تین مہینے ہیں کہ وہ خود کو ان اصولوں کے مطابق رکھیں اور وہ نئے ضوابط کے مطابق خود کو ڈالیں۔

 

ایک بیان میں وزارت نے ملازمت کی تنخواہوں کیلئے وضح کردہ نظام ڈبلیو پی ایس کے تحت تنخواہوں کی ادائیگی کیلئے ہدایت کی ہے۔

 

 تمام کمپنیاں اور کاروبار جو وزارت کے ساتھ رجسٹرڈ ہیں ، کیلئے لازمی ہے کہ وہ اپنے ملازمین کو تنخواہوں کی ادائیگی کے حوالے سے دستاویزی ثبوت بھی فراہم کریں۔

 

وزارت نے کہا ہے کہ وقت پر تنخواہوں کی ادائیگی سے کاروباری استحکام اور ملازمین کی زندگیوں میں ہموار سرگرمیاں ممکن ہوتیں ہیں۔

 

اس سے کام کی جگہ پر مثبت اثر پڑتا ہے اور ملازمین کی کارکردی میں بہتری آتی ہے۔

Source : Khaleej times