خلیج اردو آن لائن:
چاند پر بھیجے جانے والے یو اے ای کے مشن پر شیخ راشد مرحوم کے دستخط ہوں گے۔ شیخ راشد مرحوم کو جدید دبئی کا بانی قرار دیا جاتا ہے۔
متحدہ عرب امارات کے مون مشن کے لوگو کی رونمائی دبئی کے ولی عہد شیخ ہمدان بن محمد بن راشد المکتوم نے کی۔ لوگو پر شیخ راشد کے دستخط ثبت ہیں اور یو اے ای کی سات ستارے بنے ہوئے ہیں جو یو اے ای کی سات امارات کی نمائندگی کرتے ہیں۔
یہ لوگو یو اے ای کی طرف چاند گاڑی پر لگایا جائے گا جو چاند پر بھیجی جائے گی۔
شیخ ہمدان نے پیر کے روز ایک ٹوئیٹ کرتے ہوئے بتایا کہ دبئی کے کئی پراجیکٹس پر شیخ راشد کے دستخط موجود ہیں۔
الشعار الذي اخترناه لأول مشروع إماراتي وعربي لاستكشاف القمر.. سيحمل التوقيع الشخصي للمغفور له بإذن الله تعالى الشيخ راشد بن سعيد آل مكتوم.. باني دبي الحديثة وواضع أسس نهضتها.. أسوة بمشاريع ضخمة أطلقتها دبي في عهده وبتوقيعه إيذاناً ببدء مسيرة التنمية والرخاء. pic.twitter.com/G26483WFyX
— Hamdan bin Mohammed (@HamdanMohammed) November 23, 2020
یو اے ای کے مون مشن کو 2024 تک چاند کے اس حصے پر اتارا جائے گا جس پر اس سے پہلے کوئی مشن نہیں بھیجا گیا ہے۔ اس مشن کو راشد روور بھی کہا جاتا ہے اور یہ مشن 100 فیصد یو اے ای میں تیار کیا جائے گا۔
اس سے پہلے امریکہ، روس اور چین چاند پر اپنے مشن بھیج چکے ہیں۔ کامیاب ہونے یو اے ای بھی اس فہرست میں شامل ہوجائے گا۔
Source: Khaleej Times