خلیج اردو: آنکولوجی کیئر میں جدید ترین سائنسی ترقی اور علاج کے اختیارات کے لیے وقف آنکولوجی کیئر میں سالانہ کانگریس ایکسیلینس (EIOC) 21 سے 22 اکتوبر تک دبئی کے انٹر کانٹیننٹل فیسٹیول سٹی میں ذاتی طور پر اور 23 اکتوبر کو ورچول طور پر ہوگا۔ "Strike Out of the Word Cancer” کے موضوع کے تحت منعقدہ سالانہ کانگریس آنکولوجی کیئر کے لیے وقف ہے جس کا مقصد متحدہ عرب امارات اور بیرون ملک سے سرکردہ ماہرین، سرجن اور آنکولوجی کیئر کے ماہرین کو اکٹھا کرنا ہے۔ یہ ماہرین کینسر کاابتدائی پتہ لگانے، علاج اور تعلیم اور شرکاء میں کینسر کی درست، تازہ ترین اور جامع معلومات سے آگاہی پر توجہ دیں گے۔ آنکولوجی کیئر کی بدلتی ہوئی دنیا میں EIOC ایک ایسی جگہ ہے جہاں عالمی اور علاقائی ماہرین کو ایکدوسرے سے سیکھنے اور قیمتی تجربات کے تبادلے کے کے بہتر مواقع ملتے ہیں۔ اس کے علاوہ EIOC آنکولوجی کے اندر 14 ذیلی علاجوں کے لیے بھی ایک پلیٹ فارم ہے۔ تین دن کے دوران ایونٹ میں 1,500سے زیادہ ذاتی اور 3,000 سے زائد شرکاء کی ورچوئل طور پر شرکت متوقع ہے۔ اس میں 160 مقررین اہم موضوعات پر بات کریں گے اور متعدد سائنسی سیشنوں اور ورکشاپس کے ذریعے کینسر سے متعلق آگاہی بڑھائیں گے۔ ای آئی او سی کی صدر ڈاکٹر شاہینہ داؤد نے کہا کہ ای آئی او سی 2021 براہ راست اور ذاتی طور منعقد ہورہی ہے اور ہم دبئی میں اپنے ساتھیوں کی میزبانی کرنے کیلئے پرجوش ہیں۔ معروف ماہرین تازہ ترین تحقیق، ڈیٹا اور نظرثانی شدہ کاغذات جنہوں نے عالمی اور متحدہ عرب امارات میں اونکولوجی کیئر کو متاثر کیا ہے شیئر کریں گے۔ یورولوجی کے پروفیسر یاسر فرحت نے کہا کہ عرب ایسوسی ایشن آف یورولوجی اور عرب اسکول آف یورولوجی EIOC 2021 میں یورو آنکولوجی پر ایک خصوصی سیشن کا اہتمام کریں گے۔ انہوں نے کہا کہ ہمیں یقین ہے کہ سیشن ہمارے ساتھیوں کے لیے یوروتھیلیل، رینل کینسر اور پروسٹیٹ کینسر کے علاج اور طریقہ کار میں بہترین پیش رفت پر تبادلہ خیال اور روشنی ڈالنے کا موقع فراہم کرے گا۔ EIOC آنکولوجی کیئر میں تازہ ترین پیش رفت پر توجہ مرکوز کرے گا جس میں 12 اونکولوجی سب اسپیشلیٹیز پر اعلیٰ معیار کے مباحثے ہوں گے جن میں سر اور گردن کی آنکولوجی، معدے (GI) کینسر ، بریسٹ آنکولوجی ، گائنی آنکولوجی ، ارو آنکولوجی ، امیجنگ ، نیوٹریشن ، پھیپھڑوں کا کینسر ، آنکولوجی شامل ہیں۔
اس کے علاوہ ایونٹ کے دوران دو ورکشاپس منعقد ہوں گی جہاں سے شرکاء کو 22 گھنٹے کے سی ایم ای کریڈٹ پوائنٹس ملیں گے۔ 3 روزہ کانفرنس پروگرام میں 79 سے زائد سائنسی پوسٹرز، مباحثے ، پینل مباحثے، ایشیا پیسیفک، مشرق وسطیٰ ، امریکہ اور برطانیہ کے ماہرین کے ساتھ ٹیومر بورڈز شامل ہوں گے تاکہ جدید ترین پیش رفت اور علاج کے طریقہ کار کے بارے میں بتایا جا سکے
