خلیج اردو 2 دسمبر 2021
ابوظہبی : ابوظہبی کے ولی عہد اور مسلح افواج کے ڈپٹی سپریم کمانڈر شیخ محمد بن زید کہتے ہیں کہ متحدہ عرب امارات اپنی کامیابی اور ترقی ان سب کے ساتھ شئیر کرتا ہے جو اس کو اپنا گھر سمجھتا ہے۔
سوشل میڈیا پر عوام کے نام اپنے پیغام میں شیخ محمد بن زید نے لکھا کہ قومیں ترقی اور کامیابی کیلئے صرف اپنے لوگوں پر انحصار نہیں کرسکتی۔انہوں نے مزید لکھا کہ غیر ملکی شہریوں نے گزشتہ پچاس برسوں کےدوران متحدہ عرب امارات کی ترقی کے سفر میں کافی اہم کردار ادا کیا ہے۔
مسيرتنا تمضي بثقة عالية وإرادة قوية pic.twitter.com/bclomL1cL2
— محمد بن زايد (@MohamedBinZayed) December 1, 2021
شیخ محمد بن زید نے لکھا کہ ہمارے دروازے ان تمام افراد کے کھلے ہیں جو مہارت اور لگن کے ساتھ ہم سب کے بہتر مستقبل کیلئے اپنا کردار ادا کرنا چاہتے ہوں۔متحدہ عرب امارات دو دسمبر کو اپنی گولڈن جوبلی منا رہا ہے۔ اس حوالےسے شیخ محمد بن زید نے لکھا کہ اتحاد ہی ہماری طاقت کا اصل راز رہا ہے۔
We continue our journey with confidence and determination pic.twitter.com/ryPFohtz4J
— محمد بن زايد (@MohamedBinZayed) December 1, 2021
انہوں نے مسلح افواج کو بھی خراج تحسین پیش کیا اور کہا کہ مسلح افواج کے ہر ایک جوان نے گزشتہ پچاس برسوں میں بہترین انداز سے ملک کی حفاظت کی ذمہ داری نبھائی ہے اور آئندہ بھی ایسا ہی ہوگا۔
SOURCE: KHALEEJ TIMES