خلیج اردو
20 ستمبر 2020
لندن: ایک عدالتی فیصلے سے اقتدار سے نکالے جانے والے سیاستدان نواز شریف نے جہاں ٹویٹر پر اکاؤنٹ بنا کر انٹری ماری ہے وہاں ان کی پارٹی کی جانب سے یہ اعلان بھی ہوا ہے کہ نواز شریف حزب اختلاف کی جماعتوں کی کانفرنس سے خطاب کریں گے۔
حزب اختلاف کی سیاسی جماعتوں کی آل پارٹی کانفرنس آج اسلام آباد میں منعقد ہورہی ہے۔
کانفرنس کے انعقاد سے ایک روز قبل مسلم لیگ نواز کے قائد اور سابق وزیر اعظم نواز شریف نےٹویٹر پر اپنا اکاؤنٹ بنا کر ووٹ کو عزر دو کا پرانا نعرہ دوبارہ لگایا ہے۔
نواز شریف کی ٹویٹ کے بعد جہاں دیگر صارفین نے ہزاروں کی تعداد میں تبصرے کیے ہیں وہاں کچھ اہم شخصیات اور سنیئر صحافیوں نے بھی ان کے ٹویٹ پر تبصرے کیے ہیں۔
حال ہی میں لاپتہ کیے جانے والے سنیئر صحافی مطیع اللہ جان نے لکھا ہے کہ میاں صاحب جو قانون سازی کے وقت پارلیمنٹ کے اجلاس سے اپنی ووٹ سمیت غائب ہو جائیں ان کو کتنی عزت دینی چاہئیے ؟
میاں صاحب جو قانون سازی کے وقت پارلیمنٹ کے اجلاس سے اپنی ووٹ سمیت غائب ہو جائیں ان کو کتنی عزت دینی چاہئیے ؟
— Matiullah Jan (@Matiullahjan919) September 19, 2020
آزاد رکن قومی اسمبلی اور فوج کی نقد سمجھی جانے والی تحریک پشتون تحفظ موومنٹ کے رہنما علی وزیر نے لکھا ہے کہ مسلم لیگ سب سے زیادہ غیر متوقع جماعت ہے۔آپ کے پاس ایک نادر موقع ہے کہ اپنا قبلہ درست کریں اور غیر جمہوری قوتوں کی حمایت کرنے بارے اپنا پچھلا ریکارڈ درست کریں۔ اگر آپ نے جمہوری اور نظریاتی راستہ اپنایا تو پاکستان کی سیاست سے غیر جمہوری قوتوں کا ہمیشہ کیلئے خاتمہ ہوگا۔
Welcome on Twitter,
The most unpredictable party is Muslim league in Pakistani politics. You have very feasible time to track it on pure democratic and ideological guidlines instead of supporting undemocratic elements, than all such stuffs may be easily kick off from pak politics— Ali Wazir (@Aliwazirna50) September 19, 2020
سنیئر صحافی حامد میر نے مشہور شاعر عبدالحمید عدم کا شعر لکھا ہے کہ
شاید مجھے نکال کر پچھتا رہے ہو آپ ، محفل میں اس خیال سے پھر آگیا ہوں میں۔
شائد مجھے نکال کے پچھتا رہے ہوں آپ
محفل میں اس خیال سے پھر آ گیا ہوں میںعبدالحمید عدم https://t.co/3eJYiJaTj7
— Hamid Mir (@HamidMirPAK) September 20, 2020
