خلیج اردو آن لائن:
متحدہ عرب امارات کے رہائشی اب تدبیر سنٹروں سے سے کچھ گھنٹوں یا کچھ دنوں کے لیے گھریلو ملازمہ حاصل نہیں کر پائیں گے۔
متحدہ عرب امارات کی وزارت برائے انسانی وسائل کی جانب سے گھریلوں ملازمین کی قلیل مدتی بھرتی پر پابندی عائد کر دی گئی ہے۔ یہ پابندی کورونا وائرس کے پھیلاؤ کو روکنے کے لیے عائد کی گئی ہے۔
وزارت برائے انسانی وسائل کا کہنا ہے کہ اب ان ملازمین کو کم از کم ایک ہفتے کے لیے ملازمت پر رکھنا ہوگا اور اس دوران ان ملازمین کو نہ تو ٹرانسفر کیا جا سکتا ہے نہ تبدیل کیا جاسکتا ہے۔
مزید برآں، ورکرز کو نوکری کے لیے بھیجے جانے سے پہلے انکا کا کورونا پی سی آر ٹیسٹ کیا جائے گا۔
Committed to limiting the spread of coronavirus, #MOHRE has suspended recruiting domestic workers for a few hours or days. The workers are provided for a period of 7-days minimum for one family and are not allowed to be replaced or transferred during this period. pic.twitter.com/bNmvCQh6QT
— MOHRE_UAE وزارة الموارد البشرية والتوطين (@MOHRE_UAE) March 16, 2021
خیال رہے کہ اس پہلے اعلان کیا گیا تھا کہ مارچ سے یو اے ای کے رہائشی صرف تدبیر سنٹروں سے ہی گھریلو ملازمین کو نوکری پر رکھ سے سکتے ہیں۔ کیونکہ یو اے ای حکومت مارچ تک ملازمین کی بھرتی کرنے والی تمام غیر سرکاری ایجنسیوں کو بند کرنے کا ارادہ رکھتی ہے۔
اب صرف تدبیر سنٹروں سے ہی گھریلو ملازمین کی خدمات حاصل کی جا سکتی ہیں۔ تدبیر سنٹر وزارت برائے انسانی وسائل کی جانب سے 3 سال پہلے شروع کیا گیا تھا اور اب یو اے ای میں 54 تدبیر سنٹر قائم کیے جا چکے ہیں۔
Source: Khaleej Times
