خلیج اردو
دبئی: دبئی میں مقیم ایک بھارتی نے ابوظہبی کے بگ ٹکٹ کی ریفل ڈرا سیریز 244 میں 20 ملین درہم کا بڑا انعام جیتا ہے۔
بھارتی ریاست کیرالہ سے تعلق رکھنے والے پردیپ کے پی، جیبل علی میں ایک کار کمپنی میں بطور مددگار کام کرتا ہے۔ 24 سالہ نوجوان گزشتہ ایک سال سے ٹکٹ خرید رہا تھا اور وہ لمحہ آن پہنچا جب قسمت اس پر مہربان ہوئی اور آخر کار اس نے ٹکٹ نمبر 064141 پر بڑا انعام جیتا۔
20 ساتھیوں کے ساتھ شراکت داری میں ٹکٹ خریدنے والے پردیپ نے 13 ستمبر کو آن لائن ٹکٹ خریدا جو اب آپسمیں یہ رقم تقسیم کریں گے۔
جب قرعہ اندازی کے میزبانوں نے اپنی بڑی جیت کے بارے میں بتانے کے لیے ان سے رابطہ کیا تو پردیپ نے کہا کہ وہ رات کی ڈیوٹی پر ہیں۔
یہ نوزائیدہ لاکھ پتی پردیپ جو گزشتہ سات ماہ سے دبئی میں مقیم ہے، نے انکشاف کیا کہ وہ جیک پاٹ جیتنے کے لیے اتنے پرجوش تھے کہ انھیں اپنی قسمت پر یقین نہیں آیا۔
جب ان سے پوچھا گیا کہ وہ اپنے نقد انعام کو کس طرح خرچ کریں گے، پردیپ نے کہا کہ اس نے ابھی کوئی منصوبہ نہیں بنایا ہے کیونکہ اسے عظیم انعام جیتنے کی امید نہیں تھی۔
دبئی کے ایک اور بھارتی باشندے عبدالخدر دانش ایچ ایم نے 30 ستمبر کو خریدے گئے ٹکٹ نمبر 252203 کے ساتھ 1 ملین درہم کا دوسرا انعام جیتا جبکہ بھارتی شہریوں شاجی پوتھیا ویٹل اور محمد علی پیراتھوڈی نے ڈریم کار جیپ گرینڈ چروکی سیریز 08 جیت لی۔
25 ملین درہم کی بڑی رقم کے لیے اگلی قرعہ اندازی 3 نومبر کو ہوگی اور پہلی بار 1 کلو سونے کا ہفتہ وار انعام بھی ہوگا۔
Source: Khaleej Times
