خلیج اردو آن لائن نیوز
روڈ اینڈ ٹرانسپورٹ اتھارٹی دبئی نے اپنی ایک حالیہ رپورٹ میں یہ بتایا ہے کہ دبئی میں جاری کردہ لائسنس کی تعداد 25 لاکھ سے تجاوز ہوچکی ہے اور دبئی نمبر پلیٹ پر رجسٹر شدہ گاڑیوں کی تعداد 1.83 ملین سے اوپر ہے۔
رپورٹ اس وقت منظر عام پر لائی گئی جب روڈ اینڈ ٹرانسپورٹ اتھارٹی کے ڈائریکٹر جنرل متار محمد ال تائر نے لائسنسوں کا اجر اور شاہراہوں کی ترتیب کے لیے جدید ٹیکنالوجی کے استعمال کی باقاعدہ منظوری دی۔
HE Mattar Mohammed Al Tayer, Director-General and Chairman of the Board of Executive Directors of #RTA, endorsed a package of smart initiatives for improving and sustaining RTA’s services. https://t.co/tKPgAJaIZh pic.twitter.com/z9pP2o0emv
— RTA (@rta_dubai) July 25, 2020
دوران اجلاس انہوں نے اس جدید ٹیکنالوجی کا جائزہ بھی لیا جو دوران ڈرائیونگ ٹیسٹ گاڑیوں میں لگائی جارہی ہے جس کا مقصد ڈرائیونگ سیکھنے والے حضرات کو دوران ٹریننگ ان کی نگرانی کرنا ہے۔یہ جدید ٹیکنالوجی اس وقت تقریباً 250 گاڑیوں میں لگائی جا چکی ہے اور اس نے 16 ڈرائیونگ سکولوں میں 43828 ڈرائیونگ ٹیسٹ کے دوران اپنے مشاہدات کا استعمال کیا۔