خلیج اردو
09 دسمبر 2020
ابوظہی: متحدہ عرب امارات کی وزارت صحت اور روک تھام نے عالمی وبائی مرض کورونا سے نمٹنے کیلئے بیجنگ انسٹی ٹیوٹ آف بائیوولوجیکل پروڈکٹ کی کوویڈ 19 ویکسین کی باضابطہ اندراج کا اعلان کیا ہے۔اس ویکسین کا اندراج سینوفرم سی این بی جی کی درخواست کے جواب میں حکومت کی جانب سے مکمل جانچ کے بعد کیا گیا ہے۔ یہ اعلان متحدہ عرب امارات کے صحت حکام کی جانب سے اس ویکسین کی حفاظت اور افادیت پر اعتماد کا ایک اہم ووٹ سمجھا جارہا ہے۔
محکمہ صحت ابو ظہبی (ڈی او ایچ) کے تعاون سے محکمہ صحت نے تین مراحل میں ٹرائل کے سونوفرم سی این بی جی کے عبوری تجزیے کا جائزہ لیا جس سے پتہ چلتا ہے کہ بیجنگ انسٹی ٹیوٹ آف بیولوجیکل پروڈکٹ کے غیر فعال ویکسین کو کوڈ 19 انفیکشن کے خلاف 86 فیصد کامیابی اور افادیت حاصل ہے۔ یہ ویکسین کورونا کے خلاف متحدہ عرب امارات کی پہلی باضابطہ نتائج دینے والی ویکسین ہوگی۔
تجزیہ سے یہ معلوم ہوا ہے کہ ویکسین کو 99 فی صد سیروکانورسیشن اینٹی باڈی کو غیر موثر بنانا ہے اور بیماری کے درمیانے اور سنگین معاملات کی روک تھام میں 100 فیصد تاثیردیتا ہے۔ مزید برآں ، تجزیہ سے حفاظت کے بارے میں کوئی سنجیدہ خدشات ظاہر نہیں ہوئے ہیں۔
اس ویکسین کو وزارت صحت و روک تھام کے ذریعہ ستمبر سے ہنگامی استعمال کی اجازت دی گئی تھی تاکہ کورونا وائرس سے نمٹنے والے فرنٹ لائن کے ورکرز جن کو کورونا وائرس لاحق ہونے کا خطرہ زیادہ ہوتا ہے،ان کو بچایا جا سکے اور ان کی حفاظت کو یقینی بنایا جا سکے۔
اس ویکسین کے ٹرائل کے مرحلہ 3 میں صرف متحدہ عرب امارات میں 125 قومیتوں کے 31،000 رضاکار افراد نے حصہ لیا۔ EUA ویکسینیشن پروگرام نے متحدہ عرب امارات کے فرنٹ لائن کارکنوں کی مؤثر طریقے سے حفاظت کی ہے۔
Source : Khaleej Times
