خلیج اردو 09 دسمبر 2021
دوحہ : سعودی عرب کے نائب وزیر اعظم اور وزیر دفاع ولی عہد شہزادہ محمد بن سلمان بن عبدالعزیز بدھ کے روز اپنے پہلے دورے پر قطر پہنچ گئے ہیں۔
شہزادہ محمد کو پہنچنے پر امیر قطر شیخ تمیم بن حامد الثانی نے استقبال کیا اور بدھ کی شام دونوں رہنماؤں نے ملاقات کی۔
اس ماہ کے آخر میں خلیجی سربراہی اجلاس سے قبل محمد بن سلمان کی جانب سے شروع کیے گئے خلیجی عرب ریاستوں کے دوروں کا تیسرا اسٹاپ ہے۔
#فيديو | سمو #ولي_العهد يصل العاصمة القطرية الدوحة وفي مقدمة مستقبليه سمو أمير دولة #قطر.#ولي_العهد_في_قطر #واس pic.twitter.com/fwGmwfs4Xx
— واس الأخبار الملكية (@spagov) December 8, 2021
سعودی ولی عہد اور قطر کے امیر نے سعودی قطر رابطہ کونسل کے چھٹے اجلاس کی مشترکہ صدارت کی۔
سعودی پریس ایجنسی کے مطابق قطر کے امیر نے سعودی ولی عہد کے دورہ قطر پر ان کا خیرمقدم کیا۔ ولی عہد نے پرتپاک استقبال اور فراخدلانہ مہمان نوازی کیلئے امیر قطر کا شکریہ ادا کیا۔
#فيديو | سمو #ولي_العهد وسمو أمير دولة #قطر يرأسان الاجتماع السادس لمجلس التنسيق السعودي القطري.#ولي_العهد_في_قطر#واس pic.twitter.com/0dBJIBkvuW
— واس الأخبار الملكية (@spagov) December 8, 2021
اس ملاقات کے دوران دونوں رہنماؤں نے دوطرفہ تعلقات کا جائزہ لیا اور دونون ممالک کے درمیان شراکت داری اور تعاون بڑھانے پر اتفاق کیا۔
بدھ کے دن کا یہ دورہ محمد بن سلمان کے 2017 میں ولی عہد بننے کے بعد کا پہلا دورہ قطر ہے۔
اس سے قبل ولی عہد اومان اور پھر متحدہ عرب امارات کا دورہ کر چکے ہیں۔ انہوں نے دبئی میں ایکسپو کا دورہ کیا۔ وہ اس کے بعد بحرین اور کویت کا دورہ کریں گے۔
Source : Khaleej Times
