خلیج اردو: پبلک پراسیکیوشن نے عوام کو متحدہ عرب امارات کے بزرگ شہریوں کیلئے بنے قانون کی خلاف ورزی کرنے پر مجرموں کو 50,000 درہم تک کے جرمانے اور قید کی سزا کی یاد کروائی۔
قانون کے مطابق، وہ اماراتی جن کی عمر 60 سال یا اس سے زیادہ ہے، وہ مکمل طبی، مالی اور تعلیمی نگہداشت کے حقدار ہیں اور انہیں ایک مخصوص ڈیٹا بیس میں رجسٹرڈ ہونا ضروری ہے۔
بزرگ افراد کے حقوق کے تحفظ کے لیے 2019 کے وفاقی قانون نمبر 9 کا اعلان 2019 میں کیا گیا۔
انہیں معقول رہائش فراہم کی جانی چاہیے اور تشدد اور بدسلوکی سے محفوظ رکھا جانا چاہیے۔
خاندانوں کیلئے ضروری ہے کہ وہ بزرگ شہریوں کی آزادی، رازداری اور معلومات کی رازداری کے حقوق کو تسلیم کریں اور انکے مالی معاملات چلانے میں انکی مدد کریں۔
اگر خاندان کے بوڑھے افراد کہیں اور رہتے ہیں، تو انہیں وقتاً فوقتاً بات چیت کرنے اور گھر کے افراد سے ملاقات کی ضرورت ہوتی ہے۔ جبکہ انہیں منظور شدہ قوانین کے مطابق مالیات کا انتظام بھی کرکے دینا ذمہ داری ہے۔
سرکاری لین دین، سہولیات، سماجی امداد، اور طبی خدمات کے سلسلے میں، بوڑھے لوگوں کو ترجیحی علاج کا حق حاصل ہے۔
سینئر ممبر کی موت اور گھر کے پتے میں تبدیلی کی صورت میں، یا ان کے خاندان کو ان کی دیکھ بھال کرنے میں اگر دشواری کا سامنا کرنا پڑے، تو اس صورت میں وزارت برائے کمیونٹی ڈویلپمنٹ، بزرگوں کی دیکھ بھال کے مراکز، پولیس یا دیگر متعلقہ محکموں کو مطلع کیا جانا چاہیے۔
