خلیج اردو آن لائن:
کورونا وائرس کے پھیلاؤ کے ساتھ دنیا بھر میں نظام زندگی مفلوج ہوگیا، لوگ کو گھروں تک محدود کر دیا گیا اور لوگ خود بھی گھروں سے باہر نکلنے اور کام پر جانے سے کترانے لگے تو ایسے میں ایک طبقہ ایسا بھی تھا جو اپنی زندگی کی پرواہ کیے بغیر اس وائرس کے خلاف اگلے محاذ پر جنگ لڑ رہا تھا اور ابھی بھی لڑ رہا ہے۔
یہ طبقہ ڈاکٹروں، نرسوں، ہسپتالوں کی انتظامیہ، حکومتی اہلکاروں اور ایمرجنسی کی صورتحال میں خدمات سرانجام دینے والے محکموں کے اہلکاروں پر مشتمل ہے۔ ان افراد کو فرنٹ لائن ورکرز کا نام دیا گیا ہے۔
یعنی یہ لوگ اپنی زندگی کی پرواہ کیے بغیر کورونا کے خلاف اگلے مورچوں پر صف آرا ہیں۔ ان فرنٹ لائن ورکرز کی خدمات کو دنیا بھر میں سراہا جا رہا ہے اور اکثر اوقات ان کو خراج عقیدت پیش کیا جاتا ہے۔
متحدہ عرب امارات میں بھی کورونا کے خلاف فرنٹ لائن ورکرز کی خدمات قابل تحسین ہیں۔ ان فرنٹ لائن ورکرز کی خدمات کو سراہتے ہوئے دبئی پولیس کی جانب سے ایک خوبصورت ویڈیو بنائی گئی ہے جس میں فرنٹ لائن ورکرز کا ملک کی بے لوث خدمت کرنے پر شکریہ ادا کیا گیا ہے۔
دبئی پولیس ہیڈکوارٹر اور دبئی فریم کی جانب سے جاری کردہ ویڈیو میں پولیس اہلکاروں کو فرنٹ لائن ورکرز کے ساتھ اظہار یکجہتی کے لیے ورزش اور انکا شکریہ ادا کرتے دیکھا جا سکتا ہے۔
دبئی فریم کے آفیشل ٹوئیٹر ہینڈل سے شائع کی ویڈیو کے ساتھ لکھا گیا ہے کہ ” ہمارے فرنٹ لائن ہیروز کی سخت محنت اور لگن نے ہمیں ہمت اور امید بخشی ہے۔ دبئی پولیس اور دبئی فریم متحدہ عرب امارات کو محفوظ بنانے پر انکا شکریہ ادا کرتے ہیں”۔
Our front-liners gave us hope and strength through their hard work and dedication. @DubaiPoliceHQ along with #DubaiFrame thank them for keeping UAE safe. pic.twitter.com/PNjn1O7pIq
— Dubai Frame (@DubaiFrame) September 21, 2020
یاد رہے کہ اس دبئی پولیس اس سے پہلے اپریل 2020 میں بھی فرنٹ لائن ورکرز کا شکریہ ادا کرنے کے لیے ایک ایسی ویڈیو جاری کر چکی ہے۔ جس میں مختلف قومیتوں کے بچوں کو فرنٹ لائن ورکرز کا شکریہ ادا کرتے دیکھایا گیا ہے۔
اور اس ویڈٰیو میں شکریہ کا پیغام 12 مختلف زبانوں میں دیا گیا تھا۔
أطفالنا وبكل لغات العالم يشكرون #خط_دفاعنا_الأول ويقولون #خلك_في_البيت .
مع تحيات مركز حماية الدولي
التابع للإدارة العامة لمكافحة #المخدرات بـ #شرطة_دبي#أمنكم_سعادتنا#HemayaPlatform pic.twitter.com/h2TXMZe3Dn— Dubai Policeشرطة دبي (@DubaiPoliceHQ) April 8, 2020
خیال رہے کہ متحدہ عرب امارات میں اس وقت فرنٹ لائن ورکرز کی تعداد 1 لاکھ سے زائد ہے۔ جو ملک بھر میں کورونا کے خلاف برسر پیکار ہیں۔ اور یو اے ای حکام کی جانب سے ان ورکرز کی خدمات کو تسلیم کرنے اور انکے مسائل کو جاننے اور ان کے حل کے لیے ایک ڈیٹا بیس تشکیل دیا ہے۔ تاکہ فرنٹ لائن ورکرز کو درپیش مسائل کو بہتر طریقے سمجھا جا سکے اور انکا حل تلاش کیا جاسکے۔