یو اے ای سے بھارت جانے والی پرواز کے انجن میں آگ لگنے کے بعد لینڈنگ کرنا پڑگیا۔

خلیج اردو: ہندوستان کے ڈائریکٹوریٹ جنرل آف سول ایوی ایشن (DGCA) نے کہا کہ متحدہ عرب امارات سے ہندوستان جانے والی پرواز کو بیچ ہوا میں آگ لگنے کے باعث اترنا پڑا۔

اے این آئی نیوز سروس کی رپورٹ کے مطابق، ابوظہبی سے کالی کٹ جانے والی 184 مسافروں پر مشتمل ایئر انڈیا ایکسپریس کی فلائیٹ کے ایک انجن میں دوران پرواز آگ لگ گئی۔

B737-800 طیارہ متحدہ عرب امارات سے ہندوستان کی طرف اڑ رہا تھا جب مسئلہ کا ادراک ہوا اور پائلٹ طیارہ بحفاظت زمین پر واپس لے آیا۔ ایئر انڈیا ایکسپریس نے کہا کہ تمام مسافر محفوظ ہیں اور ایوی ایشن حکام کو اس معاملے کی اطلاع دے دی گئی ہے۔

یو اے ای-بھارت کی پرواز کو آگ لگنے کے بعد گراؤنڈ کر دیا گیا۔ انڈیا کے ڈی جی سی اے نے کہا: "آج ایک ایئر انڈیا ایکسپریس B737-800 طیارہ VT-AYC آپریٹنگ فلائٹ IX 348 (ابو ظہبی-کالیکٹ) چڑھائی کے دوران اسکے نمبر 1 انجن سے آسمان میں 1,000 فٹ کی بلندی پر شعلے نکلنے کی وجہ سے ایئر ٹرن بیک میں شامل ہوا”۔

ایئر انڈیا ایکسپریس کے ترجمان نے کہا کہ یہ مسئلہ پرواز کے فوراً بعد پیش آیا۔

میڈیا کو ایک بیان میں اس نے کہا: "ٹیک آف کے دوران تکنیکی خرابی کی نشاندہی کی گئی اور ابوظہبی بین الاقوامی ہوائی اڈے پر 184 مسافروں کے ساتھ تمام طے شدہ طریقہ کار پر عمل کرتے ہوئے طیارے نے بحفاظت واپس لینڈ کیا۔ "اس معاملہ کی اطلاع ریگولیٹری حکام کو پروٹوکول کے مطابق دی گئی اور مہمانوں کے لیے متبادل انتظامات کردئیے گئے۔ ہمیں جہاز میں اپنے مہمانوں کو ہونے والی تکلیف پر افسوس ہے۔”