دبئی میں کرائے پر رہائش ڈھونڈنے والے پاکستانیوں کیلئے اہم خبر

دبئی میں کرائے پر اپارٹمنٹ ڈھونڈنے والوں کے لیے 14 علاقوں میں اسٹوڈیو، ایک بیڈ روم، دو بیڈ روم اور تین بیڈ روم والے اپارٹمنٹ کے کرایوں کی فہرست جاری کردی گئی۔ خلیج ٹائمز کی ایک رپورٹ کے مطابق کورونا وباء میں کمی کے بعد دبئی میں کرائے تیزی سے بحال ہو رہے ہیں ، اپارٹمنٹ اور ولا رینٹل کی شرح 2021 کی تیسری سہ ماہی میں تین فیصد سے چھ فیصد تک اضافہ دیکھا گیا ، اس دوران ولا مارکیٹ میں کرائے کی سالانہ نمو 19 فیصد کے ساتھ خاص طور پر نمایاں تھی، جب کہ اپارٹمنٹ کے کرایے کی اوسط شرحوں میں تین فیصد کا معمولی اضافہ ہوا۔
رئیل اسٹیٹ کنسلٹنسی Asteco کے ذریعہ درج ذیل میں 14 علاقوں کی فہرست ہے اور رہائشی ایک اسٹوڈیو، ایک بیڈ روم، دو بیڈ روم اور تین بیڈ روم والے اپارٹمنٹ کے لیے کتنا کرایہ ادا کرتے ہیں:

– ڈاؤن ٹاون
اس مصروف علاقے میں کرائے ایک اسٹوڈیو کے لیے کم از کم 40,000 درہم سے شروع ہوتے ہیں اور سالانہ درہم 65,000 تک جاتے ہیں ، جب کہ ایک بیڈ روم والے یونٹ کا کرایہ 55,000 سے 100,00 درہم کے درمیان ہے ، دو بیڈ روم 75,000 سے 150,000 درہم اور تین بیڈ روم 120,000 سے 195,000 درہم کے درمیان ہے۔

– پام جمیرہ
امارات میں اپارٹمنٹ کرایہ پر لینے کے لیے پام جمیرہ سب سے مہنگی جگہ ہے جہاں اسٹوڈیو کی سالانہ قیمت 55,000 سے 75,000 درہم کے درمیان ہے ، جب کہ ایک ، دو اور تین بیڈ روم والے فلیٹوں کی قیمت بالترتیب 75,000 سے 135,000 درہم 95,000 سے 200,000 اور 125,000 سے 225,000 درہم کے درمیان ہے۔

– دبئی انٹرنیشنل فنانشل سینٹر (DIFC)
یہ خطے میں دنیا کے چند اعلیٰ مالیاتی اداروں کا گھر ہے ، DIFC میں سٹوڈیو کا کرایہ 40,000 سے 65,000 درہم سالانہ کے درمیان ہے جب کہ 1 بیڈ روم کا سالانہ کرایہ 55,000 سے 100,000 درہم تک ہے ، 2 بیڈ روم کی رینج 75,000 سے 150,000 درہم اور 3 بیڈ روم 120,000 سے 195,000 درہم تک ہے۔

– شیخ زاید روڈ
یہ پراپرٹی کرایہ پر لینے کے لیے سب سے مہنگی جگہوں میں سے ایک ہے جہاں کرایہ دار سٹوڈیو کے لیے درہم 37,500 سے 50,000 درہم ، ایک بیڈروم یونٹ کے لیے 40,000 سے 95,000 درہم ، دو بیڈ روم والے فلیٹ کے لیے 55,000 سے 135,000 درہم اور تین بیڈ روم والے یونٹ کے لیے 80,000 سے 170,000 درہم تک کرایہ ادا کرنا ہوتا ہے۔

– بزنس بے
اس علاقے کو دو بڑی سڑکوں شیخ زاید روڈ اور الخیل روڈ کے درمیان اپنے اسٹریٹجک محل وقوع کی وجہ سے بہت زیادہ اہمیت حاصل ہے ، جو لوگوں کو پرانے اور نئے دبئی سے آسانی سے جڑنے کے قابل بناتی ہے ، یہاں سٹوڈیو کے لیے کرایہ 32,500 سے 50,000 درہم کے درمیان ہیں ، ایک بیڈ روم والے اپارٹمنٹ کے لیے 40,000 تا 75,000 درہم ؛ دو بیڈ روم والے یونٹ کے لیے 62,500 سے 120,000 درہم اور تین بیڈ روم والے فلیٹ کے لیے 100,000 سے ڈی 145,000 درہم تک ہے۔

– دبئی مرینا
یہ مغربی تارکین وطن میں ایک مقبول جگہ ہے ، وہاں کے اسٹوڈیوز 35,000 سے 60,000 درہم کے درمیان ہیں ، 1 بیڈ روم 37,500 سے 100,000 درہم تک ؛ 2 بیڈ روم 55,000 سے 150,000 درہم تک؛ اور 3 بیڈ روم 80,000 سے 200,000 درہم سالانہ تک میں دستیاب ہیں۔

– جمیرہ بیچ ریزیڈنس (JBR)
یہ علاقہ بھی اپارٹمنٹس کے لیے ایک مقبول ہے ، یہاں سٹوڈیو کے لیے کرائے 52,500 سے 60,000 درہم کے درمیان ہیں ، ایک بیڈ روم کے لیے 60,000 تا 90,000 درہم ؛ دو بیڈ روم کے لیے 80,000 سے 127,500 درہم ؛ اور تین بیڈ روم کا کرایہ 105,000 سے 165,000 درہم ہے۔

– جمیرہ جھیل ٹاورز
یہ ایک مخلوط استعمال کا علاقہ ہے جو اشیاء اور دیگر مصنوعات کا کاروبار کرنے والی متعدد کمپنیوں کا گھر ہے ، یہ اسی طرح کے علاقوں کے مقابلے نسبتاً زیادہ اقتصادی ہے جہاں ایک اسٹوڈیو کے لیے 30,000 درہم سے کرایہ شروع ہوتا ہے اور سالانہ 42,500 درہم تک جاتا ہے ، جبکہ ایک بیڈ روم ، دو بیڈ روم اور تین بیڈ روم کی قیمت بالترتیب 40,000 سے 75,000، درہم 50,000 سے 110,000 درہم اور 80,000 سے 125,000 درہم سالانہ ہے۔

-گرینز
یہاں اسٹوڈیو اپارٹمنٹس درہم 35,000 سے 47,500 کے درمیان ہیں ، ایک بیڈ روم درہم 45,000 سے 90,000 تک ، دو بیڈ روم درہم 75,000 سے 120,000 اور تین بیڈ روم 105,000 درہم سے 155,000 درہم تک میں ملتا ہے۔

– دیرہ
یہ امارات کے سب سے قدیم کاروباری مرکزوں میں سے ایک ہے ، جو کرایہ داروں کے لیے زیادہ سستا علاقہ بھی ہے ، یہاں اسٹوڈیو اپارٹمنٹس کی قیمت 15,000 درہم سے 35,000 درہم کے درمیان ہے ، 25,000 سے 52,500 درہم کے درمیان ایک بیڈروم ملتا ہے ، دو بیڈ روم 35,000 سے 80,000 درہم تک اور تین بیڈ روم 60,000 سے 95,000 درہم تک مل جائے گا۔

– ڈسکوری گارڈنز
یہ جبل علی کے قریب واقع نئی دبئی میں بھی ایک سستی کمیونٹی ہے ، جہاں اسٹوڈیو کا سالانہ کرایہ 17,500 درہم سے 27,500 درہم کے درمیان ہے ، جبکہ ایک بیڈ روم اور دو بیڈ روم کی رینج بالترتیب 27,500 سے 45,000 درہم اور 50,000 سے 65,000 درہم کے درمیان ہے۔

– دبئی اسپورٹس سٹی
یہاں آف پلان اپارٹمنٹ پروجیکٹس، خاص طور پر جو تکمیل کے قریب ہیں، صارفین کو اپنی طرف متوجہ کر رہے ہیں کیوں کہ یہ علاقہ بہتر سہولیات اور بڑی ترتیب کے ساتھ پروجیکٹس پیش کرتا ہے ، شیخ محمد بن زید روڈ پر واقع دبئی اسپورٹس سٹی تیزی سے پھیل رہا ہے ، اسپورٹس سٹی میں ایک اسٹوڈیو 20,000 سے 30,000 درہم کے درمیان ہے جب کہ ایک بیروم ، دو بیڈ روم اور تین بیڈ روم کی قیمت 27,500 سے 42,500 درہم ، 40,000 سے 65,000 درہم اور 60,000 سے 80,000 درہم ہے۔

-جمیرہ ولیج سرکل
اس علاقے میں کرایہ دار عام طور پر 20,000 سے 40,000 درہم کے درمیان اسٹوڈیو کے لیے ادائیگی کرتے ہیں ، ایک بیڈروم یونٹ کے لیے 27,500 تا 60,000 درہم ؛ 2 بیڈ روم والے اپارٹمنٹ کے لیے 42,500 سے 90,000 درہم اور 3 بیڈ روم والے فلیٹ کے لیے 75,000 سے 100,000 درہم ادا کرنا پڑتے ہیں۔

-انٹرنیشنل سٹی
دبئی کا سب سے زیادہ اقتصادی علاقہ ہے جس کا سالانہ کرایہ ایک اسٹوڈیو کے لیے کم از کم 14,000 درہم سے شروع ہوتا ہے اور 24,000 درہم تک جاتا ہے جب کہ ایک بیڈروم ، دو بیڈ روم اور تین بیڈ روم کی قیمت بالترتیب 20,000 سے 35,000 درہم ، 35,000 سے 47,500 درہم اور 45,000 درہم سے 65,000 درہم ہے۔