دبئی میں پیٹرول سستا ، ٹیکسی کے کرایوں میں کمی کا اعلان

خلیج اردو

دبئی :متحدہ عرب امارات کے دارالحکومت دبئی میں پیٹرول سستا ہونے کے بعد ٹیکسی کے کرایوں میں بھی کمی کا اعلان کردیا گیا۔

روڈ اینڈ ٹرانسپورٹ اتھارٹی کے عہدیدار عادل شاکری نے کہا ہے کہ دبئی میں ٹیکسیوں کے کرائے کم کرنے کا فیصلہ کرلیا گیا، یہ فیصلہ پیٹرول کے نرخوں میں کمی کو مدنظر رکھ کر کیا گیا۔

عرب میڈیا کے مطابق شاکری کا کہنا ہے کہ روڈ اینڈ ٹرانسپورٹ اتھارٹی فیول اور ٹرانسپورٹ کی لاگت کو مدنظر رکھ کر ٹیکسیوں کے کرایوں میں کمی بیشی کی جاتی ہے، ٹیکسی میں ان دنوں ایک کلو میٹر کا کرایہ 2 درہم 19 فلس ہے، جو 0.22 درہم کم ہو کر ایک درہم 97 فلس ہوگیا ہے۔

انہوں نے کہا کہ اتھارٹی سواریوں کی ضروریات اور ان کے مطالبات کا ہمیشہ دھیان رکھتی ہے، ہر دو ماہ بعد ٹیکسیوں کے کرایوں پر نظرثانی کی جاتی ہے، آئندہ مرحلے کے دوران بھی مقررہ نظام الاوقات کے مطابق ٹیکسیوں کے کرایوں پر نظرثانی کی جاتی رہے گی۔

گزشتہ سال ستمبر میںشارجہ میں حکام نے کم از کم کرایہ1 درہم تک کم کرنے کا اعلان کیاجبکہ عجمان کے حکام نے یہ بھی اعلان کیا کہ ٹیکسی ٹیرف میں چھ فیصد کمی کی گئی ہے جس کی وجہ ایندھن کی قیمتوں میں کمی سامنے آئی ہیں۔