خلیج اردو: متحدہ عرب امارات کی وزارت خارجہ اور بین الاقوامی تعاون میں پروٹوکول امور کے دفتر کے اسسٹنٹ انڈر سکریٹری، عالیہ محمد المحرزی نے متحدہ عرب امارات میں جمہوریہ ہند کے سفیر سنجے سدھیر سے سفارتی اسناد کی ایک کاپی حاصل کرلی ہے۔
المحرزی نے سفیر کو متحدہ عرب امارات اور ہندوستان کے درمیان تعلقات اور تعاون کو بڑھانے کیلئے اقدامات کرنے میں کامیابی حاصل کرنے کیلئے نیک تمناوں کا اظہار کیا-
نئے تعینات ہونے والے سفیر نے متحدہ عرب امارات میں اپنے ملک کی نمائندگی کرنے پر خوشی کا اظہار کیا، جسے صدر عزت مآب شیخ خلیفہ بن زید النہیان کی دور اندیش پالیسی کی بدولت ایک باوقار علاقائی اور بین الاقوامی مقام حاصل ہے۔
