خلیج اردو: گیٹیکس گلوبل 2021 ایونٹ،جو دبئی ورلڈ ٹریڈ سینٹر میں منعقد ہو رہا ہیں ، وہاں آنیوالے زائرین متحدہ عرب امارات گولڈن ویزا حاصل کرنے کے لیے درخواست کے عمل کے بارے میں تمام تفصیلات بھی حاصل کر سکتے ہیں۔
17 سے 21 اکتوبر تک جاری رہنے والی پانچ روزہ نمائش کے دوران دبئی میں جنرل ڈائریکٹوریٹ آف ریذیڈنسی اینڈ فارنرز افیئرز (جی ڈی آر ایف اے) کے عہدیدار گولڈن ویزا کے شرائط اور معیارات اور اسکے حصول کے طریقہ کار کی وضاحت کریں گے۔
متحدہ عرب امارات کا گولڈن ویزا ایک طویل مدتی رہائشی ویزا نظام ہے ، جو پانچ سے 10 سال پر محیط ہے ، اور خود بخود تجدید ہوتا ہے۔ یہ سرمایہ کاروں ، کاروباری افراد ، باصلاحیت افراد ، سائنس اور علم کے محققین ، نمایاں طالب علموں کے ساتھ ساتھ صحافیوں ، ڈاکٹروں ، مصنفین اور امید افزا صلاحیتوں کے حامل افراد کو دیا جاتا ہے۔
جی ڈی آر ایف اے کی سروسز شیخ سعید ہال میں پیش کی جا رہی ہیں،جن میں سمارٹ ایپلی کیشنز ، جی ڈی آر ایف اے دبئی پیپر لیس حکمت عملی ، شہریت اور پاسپورٹ سروسز شامل ہیں۔
اتھارٹی ایکسپو میں ورچوئل ورکشاپس کا ایک سلسلہ بھی منعقد کر رہی ہے تاکہ ایونٹ سے باہر عوام کو بھی فائدہ پہنچ سکے۔ دلچسپی رکھنے والے افراد ان ورکشاپس میں جی ڈی آر ایف اے آفیشل انسٹاگرام اکاؤنٹ پر دستیاب لنک کے ذریعے حصہ لے سکتے ہیں۔
ایونٹ کو مزید دلچسپ بنانے کے لیے ، جی ڈی آر ایف اے ایکسپو 2020 دبئی کو اپنے اسٹینڈ کے اندر ایک بڑی سکرین کے ذریعے براہ راست نشر کرا رہا ہے ، تاکہ عوام اس غیر معمولی تقریب کو براہ راست دیکھ سکیں۔
جی ڈی آر ایف اے کے ڈائریکٹر جنرل لیفٹیننٹ جنرل محمد احمد المری نے کہا کہ محکمہ گیٹیکس میں اپنے جدید ترین پراجیکٹس اور سمارٹ سروسز کی نمائش کر رہا ہے۔
"اس سال کا ایونٹ پچھلے تمام ایڈیشنز سے مختلف ہے۔ یہ ایکسپو 2020 دبئی کے ساتھ مل کر منعقد کیا جا رہا ہے ، اور یہ شرکاء کی بڑی تعداد اور عالمی ماہرین ، فیصلہ سازوں اور دنیا بھر کے ماہرین کے متاثر کن ٹرن آؤٹ کی وجہ سے اسکو مزید کامیاب بنائے گا۔
