اسلام آباد پولیس پر الزامات : پاکستان میں یوٹیوبرز جمیل فاروقی کو گرفتار کر لیا گیا

خلیج اردو

اسلام آباد : پاکستان میں یوٹیوبر جمیل فاروقی کو گرفتار کر لیا۔ پولیس کے مطابق انہوں نے شہباز گل کے حوالے سے غلط معلومات پھیلائی تھیں۔

اپنے بیان میں اسلام آباد پولیس نے کہا ہے کہ پولیس پر جھوٹے الزامات لگانے کا مقدمہ 701/22 تھانہ رمنا میں درج ہے۔

ملزم نے اپنے وی لاگ میں اسلام آباد کیپیٹل پولیس پر جھوٹا الزام لگایا تھا کہ ملزم شہباز شبیر پر پولیس نے جسمانی اور جنسی تشدد کیا۔

پولیس کا کہنا ہے کہ اشتعال انگیز ، من گھڑت اور جھوٹے الزامات لگانے والوں کے خلاف اسلام آباد کیپیٹل پولیس نے کارروائی کا عندیہ دیا تھا۔

سوشل میڈیا صارفین نے ان کی گرفتاری پر اسلام آباد پولیس کے خلاف اپنے غم و غصے کا اظہار کیا ہے اور اسے آزادی اظہار رائے کی آزادی کہا گیا ہے۔