خلیج اردو
اسلام آباد : این سی او سی نے پی ایس ایل میچز کے حوالے سے بڑا فیصلہ کر لیا ہے۔ پی ایس ایل میچز میں سو فیصد شائقین سٹیڈیم میں میچز دیکھ سکیں گے۔
نیشنل کمانڈ اینڈ آپریشن سنٹر کی جانب سے وفاق ، صوبوں اور پاکستان کرکٹ بورڈ پی سی بی کو مراسلہ ارسال کر دیا گیا ہے جس میں کہا گیا ہے کہ مکمل ویکسینیٹڈ افراد کو سٹیڈیم میں میچ دیکھنے کی اجازت ہو گی۔
میڈیا رپورٹس کے مطابق تمام عمر کے افراد کو سٹیڈیم میں پی ایس ایل میچ دیکھنے کی اجازت ہو گی۔
پاکستان سپر لیگ کے شائقین کیلئے بڑی خوشخبری
این سی او سی کا پی ایس ایل میچز کے حوالے سے بڑا فیصلہ، پی ایس ایل میچز میں سو فیصد شائقین سٹیڈیم میں میچز دیکھ سکیں گے.این سی او سی نے وفاق، صوبوں پی سی بی کو مراسلہ ارسال کر دیا. pic.twitter.com/96YmLMtsU4
— Khaleej Urdu (@Khaleejurdu) December 29, 2021
این سی او سی کے مراسلے میں کہا گیا ہے کہ سٹیڈیم میں آنے کیلئے 12 سال سے زائد عمر والوں کی ویکسینیشن لازم ہو گی۔ پی سی بی ویکسینیٹڈ افراد کو ٹکٹ کے اجراء کیلئے میکنزم تیار کرے گا۔
این سی او سی نے کہا ہے کہ پی سی بی کرکٹ میچز کیلئے سیکورٹی انتظامات اور کرکٹ گرائونڈ میں ایس او پیز پر عملدرآمد کی زمہ دار ہو گی۔
اس حوالے سے جاری مراسلے میں بتایا گیا ہے کہ کرکٹ سٹیڈیم میں تماشائیوں کیلئے ماسک، سماجی فاصلہ رکھنا لازم ہو گا۔
