متحدہ عرب امارات میں کورونا کے نئے کیسز اور اموات  سے متعلق اعداد و شمار جاری

خلیج اردو آن لائن:

متحدہ عرب امارات کی وزارت صحت کی جانب سے منگل کے روز یو اے ای بھر میں کورونا کے 1334 نئے کیسز رپورٹ کیے گئے ہیں۔  مزید برآں، وزارت کے مطابق ملک بھر میں کورونا سے صحت یاب ہونے والوں تعداد 1396 رہی جبکہ وائرس سے مزید 4 افراد ہلاک ہوگئے ہیں۔

یو اے ای بھر میں کورونا وبا کیے آغاز سے اب تک کورونا کے 68 اشاریہ 1 ملین سے زائد پی سی آر ٹیسٹ کیے جا چکے ہیں۔  جبکہ نئے کیسز کورونا کے 2 لاکھ 60 ہزار 783 نئے پی سی آر ٹیسٹوں کے نتیجے میں سامنے آئے ہیں۔

یاد رہے کہ یو اے ای میں کورونا وبا کے آغاز سے 10 اگست 2021 تک کورونا کے 6 لاکھ 95 ہزار 619 کیسز سامنے آئے ہیں جبکہ اسے دورانیے میں کورونا سے صحت یاب ہونے والوں کی کل تعداد 6 لاکھ 72 ہزار 749 ہے۔ تاہم، وائرس کے باعث اب تک 1982 اموات ہو چکی ہیں۔

یاد رہے کہ یو اے ای میں اس وقت کورونا کے فعال کیسز کی تعداد 20 ہزار 888 ہے۔

Source: Khaleej Times