متحدہ عرب امارات میں کورونا وائرس کے نئے کیسز اور صحتیابیوں کا اعلان

خلیج اردو آن لائن:

متحدہ عرب امارات کی وزارت صحت کی جانب سے ہفتے کے روز ملک بھر میں کورونا کے 2959 نئے کیسز رپورٹ کیے گئے ہیں۔  جبکہ 1901 افراد وائرس سے صحتیاب ہوئے ہیں اور 14 افراد کی وائرس کی وجہ سے موت ہوئی ہے۔

نئے کیسز 2 لاکھ 42 ہزار 159 نئے ٹیسٹوں نتیجے میں سامنے آئے ہیں۔ جبکہ ملک بھر میں اب تک کورونا کے 32 ملین سے زائد ٹیسٹ کیے جا چکے ہیں۔

کورونا وبا کے پھیلاؤ سے لے کر اب تک یو اے ای میں کورونا کے کل 4 لاکھ 8 ہزار 236 مریض سامنے آئے ہیں جبکہ 3 لاکھ 91  ہزار 205  افراد وائرس سے صحتیاب ہوئے ہیں۔ اور وائرس کی وجہ سے 1310 اموات ہوچکی ہیں۔

خیال رہے کہ دبئی نے کورونا وائرس کےپھیلاؤ کو روکنے کے لیے رمضان کے مہینے میں رمضان ٹینٹ پرمٹ کینسل کرنے کا اعلان کیا ہے۔ دبئی کے اسلامک امور کے متعلقہ ڈیپارٹمنٹ نے اس پابندی کی وضاحت کرتے ہوئے بتایا ہے کہ اس اقدام کا مقصد لوگوں کو بڑے اجتعماعات کرنے سے روکنا ہے جہاں لوگ سماجی فاصلے جیسے قواعد کی خلاف ورزی کر سکتے ہیں۔

جبکہ حال ہی میں دبئی حکام کی جانب سے بچوں کے دودھ پینے والے فیڈروں میں کافی بیچنے پر پابندی عائد کی گئی ہے۔  اور ابوظہبی حکام کی جانب سے سینما حال 30 فیصد گنجائش کے ساتھ کھولنے کا اعلان کیا گیا ہے۔

مزید برآں، راس الخیمہ حکام کی جانب سے اعلان کیا گیا ہےکہ شادی اور ایونٹ ہال امارات بھر میں 8 اپریل 2021 تک بند رہیں گے۔

Source: Khaleej Times