خلیج اردو
10مئی 2021
دبئی : متحدہ عرب امارات نے اعلان کیا ہے کہ وہ پاکستان ، بنگلادیشن ، نیپال اور سری لنکا کیلئے قومی اور بین الاقوامی پروازوں کو معطل کررہا ہے۔ ان ممالک سے آنے والے مسافروں کا ملک میں داخلہ بند کر دیا گیا ہے۔
یہ بندش 12 مئی کو رات 11.59 پر شروع ہو گی۔ ان ممالک سے آنے والے مسافروں کیلئے تمام راستے بند کر دیئے گئے ہیں تاہم کارگو سروس پر کوئی اثر نہیں پڑے گا۔
اس حوالے سے نیشنل کرائسز اینڈ ڈیزاسٹر منجمنٹ اتھارٹی این سی ای ایم اے نے پیر کے روز اعلان کیا ہے۔
#NCEMA and Civil Aviation: Suspension of entry for travelers from Bangladesh, Pakistan, Nepal and Sri Lanka on national and foreign flights, also for transit passengers, with the exception of transit flights traveling to UAE and bound for these countries.https://t.co/Dhjg6dhPrp pic.twitter.com/bkPgdWexmM
— NCEMA UAE (@NCEMAUAE) May 10, 2021
اس اعلان میں واضح کیا گیا ہے کہ متحدہ عرب امارات کے شہری ، سفارتی عملہ ، سرکاری وفود ، گولڈن ویزہ ہولڈر یا ذاتی پرواز سے آنے والے کاروباری حضرات کو استثنیٰ حاصل ہے۔
ان مسافروں کیلئے لازمی ہے کہ 48 گھنٹے پہلے ان کا کیا گیا کرونا ٹیسٹ منفی ہو اور متحدہ عرب امارات پہنچنے پر ان کا پی سی آر ٹیسٹ کیا جائے گا۔ یہاں انہیں دس دنوں کیلئے قرنطینہ کیا جائے گا جہاں وہ چوتھے اور اٹھویں دن پی سی آر کا ٹیست کریں گے۔
Source : Khaleej Times