پاک بھارت میچ ٹاکرا : سنسنی خیز معرکہ کے بعد روہت شرما، ویرات کوہلی اور دیگر بھارتی کرکٹرز دبئی کے ساحل سمندر لطف اٹھانے جا پہنچے

خلیج اردو: متحدہ عرب امارات میں ڈی پی ورلڈ ایشیا کپ کرکٹ ٹورنامنٹ میں ایک روزہ وقفے کے دوران ہندوستانی کرکٹرز اپنے دماغ اور جسم کو تروتازہ کرنے کے لیے دبئی کے جمیرہ ساحل پرپہنچ گئے۔

ابتدائی مقابلوں میں پاکستان اور ہانگ کانگ کے خلاف جیت کے ساتھ سپر 4 سپاٹ پر مہر ثبت کرنے کے بعد، ہندوستان نے آرام کا سانس لیا کیونکہ باقی ٹیمیں اپنے آخری چار سلاٹس کے لیے لڑرہی ہیں-

سابق ہندوستانی کپتان ویرات کوہلی نے بیچ والی بال کے موقع پر اپنے ساتھیوں کو جوائن کرنے سے پہلے کچھ اسٹینڈ اپ پیڈل سرفنگ شروع کی۔ نائب کپتان کے ایل راہول، سوریہ کمار یادو اور ارشدیپ سنگھ نے بھی پیڈل سرفنگ میں ہاتھ آزمایا۔

کپتان روہت شرما نے کچھ کائیکنگ کا انتخاب کیا، اور کوہلی نے بھی اس پر توجہ دی۔ یوزویندر چہل، روی چندرن اشون اور دنیش کارتک نے سمندر پر زیادہ آرام دہ سواری کو ترجیح دی۔ ہاردک پانڈیا اور کوچ راہول ڈریوڈ ساحل سمندر پر ہوا کا جھونکوں سے لطف اندوز ہورہے تھے۔

"آج کا دن ہمارا وقفہ تھا۔ لہذا ہم نے کچھ تفریحی سرگرمیاں کرنے کا فیصلہ کیا۔ یہ اچھا مزہ اور آرام دہ تھا۔ ہم نے واقعی لطف اٹھایا،” چہل نے کہا۔