خلیج اردو
دبئی: متحدہ عرب امارات میں جاری ایشیا کپ ٹی ٹوئنٹی ٹورنامنٹ کے سپر فور مرحلے میں پاکستان نے ایک دلچسپ مقابلے کے بعد افغانستان کو ایک وکٹ سے شکست دے کر ایشیاء کپ کے فائنل کیلئے کوالیفائی کرلیا۔
اس سے قبل ٹاس جیت کر پاکستان نے افغانستان کو کھیلنے کی دعوت دی جہاں افغانستان نے جیتنے کیلئے پاکستان کو 130 رنز کا ہدف دیا جسے پاکستان نے آخری اوور میں نسیم شاہ کے مسلسل 2 چھکوں کی بدولت پورا کیا۔
افغانستان کے 130 رنز کے ہدف کے تعاقب میں پاکستان کی9 وکٹیں 118رنز پر گر گئی تھیں اور پاکستان دباؤ کا شکار بھی ہوا۔ بابر اعظم صفر، فخر زمان 5 اور محمد رضوان 20 رنز پر آؤٹ ہوگئے لیکن افتخار 30 اور شاداب خان 36 رنز پر پویلین لوٹ گئے۔
جب پاکستان کو6 گیندوں پر 11 رنز درکار تھے تو نسیم شاہ نے مسلسل 2 چھکے مار کر پاکستان کو کامیابی دلادی۔پاکستان کی فتح کے بعد سری لنکا بھی سپر فور مرحلے میں 4 پوائنٹس کے ساتھ فائنل میں پہنچ گیا۔
افغانستان نے مقررہ 20 اوورز میں6 وکٹوں کے نقصان پر 129 رنز بنائے تھے۔ابراہیم زادران 35 رنز بناکر نمایاں رہے۔اس کے علاوہ رحمان اللہ 11 گیندوں پر17، حضرت اللہ زازئی 21 ،کریم جنت 15، نجیب اللہ 10 رنز اور کپتان محمد نبی بغیر کوئی رنز بنائے پویلین لوٹے۔
Pakistan restrict Afghanistan to 129-6 🏏
Brilliant effort from the bowlers 👏#AsiaCup2022 | #AFGvPAK pic.twitter.com/60iOuYGiGa
— Pakistan Cricket (@TheRealPCB) September 7, 2022
اختتامی اوورز میں راشد خان نے 15 گیندوں پر 18 رنز کی اننگز کھیلی اور افغانستان کا اسکور 129 رنز تک پہنچایا۔قومی ٹیم کی جانب سے حارث رؤف نے 2، نسیم شاہ،حسنین، شاداب اور محمد نواز نے ایک ، ایک وکٹ حاصل کی۔
Well done Naseem Shah. Despite our worries because of floods, green shirts bring smiles to our faces. Exciting cricket. I commiserate with Aghan cricketers for excellent and improving performances in the last few years.
— Dr. Arif Alvi (@ArifAlvi) September 7, 2022
قومی ٹیم کی شاندار فتح پر صدر مملکت ڈاکٹر عارف علوی نے مبارک باد کا پیغام دیا ہے۔ صدر کا کہنا ہے کہ ویلڈن نسیم شاہ۔ سیلاب کی وجہ سے قوم کی پریشانیوں میں تھوڑی کمی کیلئے شاہینوں کا کردار قابل تحسین ہے۔ ان کا کہنا ہے کہ افغان کرکٹ ٹیم میں تھوڑی عرصے میں کافی بہتری آئی ہے۔
وزیر اعظم شہباز شریف نے ٹویٹ میں کہا ہے کہ شاندار انداز میں میچ ختم کرنے پر نسیم شاہ کا شکریہ ادا کرتا ہوں۔
Wow 🇵🇰 … thank you Naseem for such an amazing finish 👏
— Shehbaz Sharif (@CMShehbaz) September 7, 2022
