خلیج اردو: دبئی کی روڈز اینڈ ٹرانسپورٹ اتھارٹی (آر ٹی اے) نے کہا ہے کہ اب دبئی میں گولڈن ویزا کے حامل افراد بغیر تربیت کے ڈرائیونگ لائسنس حاصل کر سکتے ہیں۔
اتھارٹی نے پیر کو ٹویٹ کیا کہ”اپنے ملک میں منظور شدہ اپنا پچھلا ڈرائیونگ لائسنس پیش کریں اور نالج اور روڈ ٹیسٹ پاس کرنے کے بعد ڈرائیونگ انسٹی ٹیوٹ میں RTA سے نیا ڈرائیونگ لائسنس جاری کرائیں،”
Did you get the Golden Visa & want to get a driving license in #Dubai? Present your previous driving license approved in your country & issue a new one from #RTA at the driving institutes after passing the knowledge & road tests without needed training. https://t.co/Te3ooJdklZ pic.twitter.com/QZFBxhkjO1
— RTA (@rta_dubai) January 3, 2022
RTA ویب سائٹ کے مطابق، گولڈن ریذیڈنسی ہولڈرز دبئی سے جاری کردہ لائسنس حاصل کر سکتے ہیں اگر وہ درج ذیل دستاویزات پیش کریں:
>> اصل ایمریٹس آئی ڈی
>> پچھلے درست ڈرائیونگ لائسنس کی ایک کاپی
>> نالج ٹیسٹ اور روڈ ٹیسٹ کے نتائج۔
UAE نے 2019 میں گولڈن ویزا نامی اپنی طویل مدتی رہائشی اسکیم شروع کی تھی جو غیر ملکیوں کو قومی کفیل کی ضرورت کے بغیر اور UAE کی سرزمین پر اپنے کاروبار کی 100 فیصد ملکیت کے ساتھ UAE میں رہنے، کام کرنے اور مطالعہ کرنے کا اہل بناتی ہے۔ یہ ویزے پانچ یا 10 سال کے لیے جاری کیے جاتے ہیں اور خود بخود ری نیو ہوتے ہیں۔
پچھلے سال نومبر تک، دبئی میں 44,000 سے زیادہ افراد نے اس سکیم کے آغاز کے بعد سے گولڈن ویزا حاصل کیا ہے۔
سرمایہ کار، کاروباری افراد، سائنس اور علم کے مختلف شعبوں میں خصوصی ہنر مند اور محققین اور ذہین طلباء یہ ویزا حاصل کرنے کے اہل ہیں۔
حالیہ ضوابط نے گولڈن ویزا کی اہلیت کومزید بڑھایا ہے جس میں مینیجرز، سی ای اوز، سائنس، انجینئرنگ، صحت، تعلیم، بزنس مینجمنٹ اور ٹیکنالوجی کے ماہرین شامل ہیں۔
مزید برآں، ہنر مند اور خصوصی رہائشیوں، سرمایہ کاروں، کاروباری افراد، سائنسدانوں، علمبرداروں، سرکردہ طلباء اور گریجویٹس کے لیے بھی طویل مدتی رہائش حاصل کرنے کے طریقہ کار کو آسان کر دیا گیا ہے۔
