خلیجی خبریںمتحدہ عرب امارات

متحدہ عرب امارات کے موٹرسوار کو دوران ڈرائیونگ سڑک پر کچرا پھینکنے پر 6 بلیک پوائنٹس اور 1,000درہم جرمانہ

خلیج اردو: متحدہ عرب امارات میں سڑکوں اور عوامی سہولیات پر اپنی گاڑیوں سے کچرا پھینکنے کیوجہ سے ابوظہبی کے 162 کار سواروں پر جرمانہ عائد کیا گیا۔

ابوظہبی پولیس نے جمعرات کو کہا کہ مذکورہ ڈرائیورز 2022 کے پہلے چھ مہینوں کے دوران مختلف سڑکوں پر گاڑی چلاتے ہوئے اپنی گاڑی کی کھڑکیوں سے فضلہ پھینکتے ہوئے پکڑے گئے۔

دوران ڈرائیونگ سڑک پرکچرا پھینکنے کا جرمانہ 1,000 درہم اور چھ بلیک پوائنٹس ہیں۔

پولیس فورس نے سڑک استعمال کرنے والوں کو مشورہ دیا ہے کہ وہ ماحولیاتی تحفظ اور صحت عامہ کو مدنظر رکھتے ہوئے مخصوص جگہوں پرکوڑا اور فضلہ پھینکیں اور امارات کی مہذب شکل کو محفوظ رکھیں۔

ابوظہبی پولیس نے ڈرائیوروں اور دیگر سڑک استعمال کرنے والوں کو تعلیم دینے میں اپنی کوششیں جاری رکھنے پر زور دیا ہے۔ گاڑی چلانے والوں کو ٹریفک قوانین کی پابندی کرنے کی ضرورت کے بارے میں یاد دلایا گیا ہے اور ان کے ساتھ مسافروں کو متنبہ کیا گیا ہے کہ وہ گاڑیوں سے کوئی فضلہ باہر نہ پھینکیں۔

متعلقہ مضامین / خبریں

Back to top button