متحدہ عرب امارات کے صدر شیخ محمد سے شارجہ اور عجمان کے حکمرانوں کی ملاقات، شہریوں سے ملاقاتوں کا سلسلہ بھی جاری

خلیئج اردو
ابوظبہی : متحدہ عرب امارات کے صدر شیخ محمد بن زاید النہیان نے جمعہ کے روز متحدہ عرب امارات کے حکمرانوں اور سپریم کونسل کے ارکان سے ملاقات کی ہے۔

شیخ محمد نے متحدہ عرب امارات کے حکمرانوں سے برادرانہ تعلقات کے ایک حصے کے طور پر ملاقات کی جسے جو ان کے اپنے بھائیوں، اعلیٰ شخصیات، فیڈرل سپریم کونسل کے اراکین اور امارات کے حکمرانوں کے ساتھ جاری رکھنے کے خواہش کا حصہ ہے۔

سرکاری خبر رساں ایجنسی وام کے مطابق شیخ محمد نے جمعے کے روز شارجہ کے الدھید شہر میں اپنی مجلس میں متحدہ عرب امارات کے شہریوں کا استقبال کیا۔

ابوظہبی کے حکمران نے شارجہ کے البادی پیلس میں سپریم کونسل کے رکن ڈاکٹر شیخ سلطان بن محمد القاسمی سے ملاقات میں شارجہ کے حکمران سے بات چیت کا تبادلہ کیا گیا۔ شیخ محمد نے عجمان حکمران عدالت میں سپریم کونسل کے رکن اور عجمان کے حکمران شیخ حمید بن راشد النعیمی سے بھی ملاقات کی۔

رہنماؤں کی بات چیت میں ملک کے معاملات اور اس کے شہریوں سے متعلق متعدد امور پر تبادلہ خیال کیا ۔ وام کے مطابق انہوں نے اللہ تعالی سے وطن کی مزید ترقی اور اس کے لوگوں کی خوشحالی کے لیے دعا کی۔

شیخ محمد بن زاید، ڈاکٹر شیخ سلطان القاسمی، اور شیخ حمید النعیمی نے متحدہ عرب امارات میں معیار زندگی کو بہتر بنانے، اماراتیوں کو بااختیار بنانے اور انہیں معقول معیار زندگی فراہم کرنے کے لیے اپنی خواہش کا اعادہ کیا۔

ملاقاتوں میں شارجہ کے ولی عہد اور نائب حکمران شیخ سلطان بن محمد بن سلطان القاسمی ،شارجہ کے نائب حکمران شیخ سلطان بن احمد بن سلطان القاسمی، عجمان کے ولی عہد اور عجمان ایگزیکٹو کونسل کے چیئرمین شیخ عمار بن حمید النعیمی؛ زید چیریٹیبل اینڈ ہیومینٹیرین فاؤنڈیشن کے بورڈ آف ٹرسٹیز کے چیئرمین شیخ نہیان بن زاید النہیان اور نائب وزیراعظم اور وزیر داخلہلیفٹیننٹ جنرل شیخ سیف بن زید النہیان بھی ملاقات میں موجود تھے۔

ملاقات کرنے والوں میں نائب وزیراعظم اور صدارتی امور کے وزیر شیخ منصور بن زید النہیان؛ شیخ ہمدان بن محمد بن زید النہیان؛ شیخ محمد بن حمد بن تہنون النہیان، صدارتی امور کی وزارت میں خصوصی امور کے مشیر؛ اور متحدہ عرب امارات کے کئی سینئر حکام اور مقامی محکموں کے سربراہان نے بھی شرکت کی۔

شیخ محمد نے یو اے ای کے شہریوں سے بھی ملاقات کی:

جمعہ کے روز شیخ محمد نے اپنی مجلس میں متحدہ عرب امارات کے شہریوں کا الدھید سٹی اور شارجہ میں بھی استقبال کیا۔ انہوں نے اماراتی شہریوں کے ساتھ خوشگوار بات چیت کی اور ان کے ساتھ بات چیت جاری کا سلسلہ مستقبل میں بھی جاری رکھنے کی خواہش کا اظہار کیا۔

متحدہ عرب امارات کے صدر نے کہا کہ اماراتی قوم کا اصل اثاثہ ہیں اور وہ اس کی ترقی اور پیشرفت کا سنگ بنیاد ہیں۔ حاضرین نے شیخ محمد سے ملاقات پر خوشی کا اظہار کرتے ہوئے اماراتیوں کے ساتھ بات چیت کے روایتی انداز کی تعریف کی،

انہوں نے اس بات پر بھی زور دیا کہ براہ راست رابطہ اور والدین کی ملاقاتیں قوم اور اس کی قیادت کیلئے محبت، وفاداری اور تعلق کے جذبات کو بڑھاتی ہیں۔

اماراتی شہری ہفتہ اور اتوار کی صبح شارجہ کے قصر الدھید میں متحدہ عرب امارات کے صدر کے ساتھ دو مزید مرتبہ استقبالیوں میں حصہ لے سکتے ہیں۔

خلیج ٹائمز نے وام کی ایک رپورٹ کا حوالہ دے کر بتایا ہے کہ صدر سے ملاقات اور ان کا استقبال کرنے کے خواہشمند ہیں یو اے ای کے شہری ، سب سے پہلے الدھید کلب میں رجسٹر ہوں گے اور اپنی الحسن ایپ پر گرین اسٹیٹس پیش کریں گے۔

Source: Khaleej Times