خلیج اردو
دبئی: متحدہ عرب امارات نے کراؤڈ فنڈنگ پلیٹ فارم آپریٹرز کے لیے ایک وفاقی نظام کی منظوری دی ہے تاکہ جدید کاروباری آئیڈیاز کی مالی اعانت کی جا سکے۔
ان سرگرمیوں کیلئے سیکیورٹیز اینڈ کموڈٹیز اتھارٹی بطور ریگولیٹری اتھارٹی کام کرے گی۔
اب سرکاری اور نجی شعبوں کے آپریٹرز پراجیکٹس کو کراؤڈ فنڈ کر سکتے ہیں لیکن شرط یہ ہے کہ وہ متعلقہ حکام سے ضروری اجازت نامہ حاصل کر چکے ہوں۔ انہیں تصدیق کرنی ہوگی کہ درخواست دہندگان کے پاس کام کا واضح منصوبہ موجود ہے۔
یہ نظام تجارتی منصوبوں، خاص طور پر چھوٹے اور درمیانے درجے کے منصوبوں کی مالی معاون ثابت ہوگا۔
اس کا اعلان متحدہ عرب امارات کے نائب صدر اور وزیر اعظم اور دبئی کے حکمران شیخ محمد بن راشد المکتوم نے ایکسپو 2020 دبئی میں کابینہ کے آخری اجلاس میں کیا۔
شیخ محمد نے پیر کو ایک ٹویٹ میں کہا کہ کراؤڈ فنڈنگ بنیادی طور پر ایک نیا انیشیٹیو ہے جو کاروباری آئیڈیاز کی مالی اعانت کے بہترین طریقوں میں سے ایک ہے۔ یہ نوجوانوں اور کاروباری افراد کے لیے اپنے آئیڈیاز کی مالی اعانت کے لیے نئی راہیں کھولے گا۔
کراؤڈ فنڈنگ ایک پراجیکٹ یا کاروبار کو فنڈ دینے کے لیے لوگوں کی ایک بڑی تعداد سے رقم اکٹھی کرنے کا عمل ہے۔
شیخ محمد نے کہا کہ متحدہ عرب امارات کی کابینہ نے کوآپریٹو سوسائٹیز کے لیے ایک نئے قانون کی بھی منظوری دی ہے جس سے انہیں مالیاتی منڈیوں میں درج کرنے کی اجازت دی گئی ہے۔
اس سے انہیں اسٹریٹجک پارٹنرز حاصل کرنے میں مدد ملے گی۔
شیخ محمد نے کہا کہ کوآپریٹیو کی نئی اقسام کا بھی اعلان کیا گیا ہے جن میں ڈیجیٹل، مالیاتی، پیشہ ورانہ اور دیگر شامل ہیں۔
Source: Khaleej Times
