خلیج اردو
19 ستمبر 2021
دبئی : متحدہ عرب امارات میں نظام ٹیکس کے قانون کی خلاف ورزیاں کرنے والے افراد کیلئے حکام نے واجب الادا جرمانوں پر رعایت کا اعلان کیا ہے۔ اس حوالے سے کابینہ کے فیصلے کے بعد فیڈرل ٹیکس اتھارٹی ایف ٹی اے نے بتایا ہے کہ فیصلے پر فوری اطلاق ہوچکا ہے۔
فیڈرل ٹیکس اتھارٹی ایف ٹی اے نے کہا کہ یہ لچکدار اقدام متحدہ عرب امارات کی عالمی کاروباری حیثیت میں مسابقت کو قائم رکھنے اور اسے فروغ دینے میں مدد دے گا اور اس سے اصلاحاتی ٹیکس قانون سازی کا ماحول قائم کرے گا ۔
2021 کے کابینہ کے ترمیمی فیصلہ نمبر 49 کے مطابق 2017 کے فیصلہ نمبر 40 کے مطابق
16 قسم کی انتظامی سزائیں بیان کی گئی ہیں جنہیں یا تو کم کیا گیا ہے یا حساب کے طریقہ کار میں ترمیم کی گئی ہے۔ ترامیم میں ٹیکس کے طریقہ کار پر 2017 کے وفاقی قانون نمبر 7 ایکسائز ٹیکس پر 2017 کے وفاقی قانون نمبر 7 اور ویلیو ایڈڈ ٹیکس کے بارے میں 2017 کے وفاقی فرمان نمبر 8 کے اطلاق سے متعلق انتظامی خلاف ورزیاں شامل ہیں۔
ایف ٹی اے نے گزشتہ مئی میں ایک آگاہی مہم شروع کی جس میں ایف ٹی اے کے نمائندوں نے کاروباری شعبے کے ساتھ بات چیت کی تاکہ نئے فیصلے پر عمل درآمد کا طریقہ کار متعارف کرایا جاسکے .کل غیر ادا شدہ جرمانوں پر تیس فیصد رعایت ہوگی۔
مہم میں بتایا گیا ہے کہ ان سہولیات سے کیسے فائدہ اٹھایا جائے اور رجسٹریشن کرنے والوں پر عائد انتظامی جرمانے کی از سر نو تعین سے فائدہ اٹھانے کیلئے شرائط بھی بتائے گئے ہیں۔
میڈیا کو جاری ایک بیان میں ایف ٹی اے نے شرائط بتائے ہیں جس کو پورا کرنے کی ضرورت ہے تاکہ جرمانوں کے دوبارہ تعین سے فائدہ اٹھایا جا سکے۔ ان شرائط کے مطابق یہ جرمانہ اٹھائیس جون سے پہلے لاگو ہونا لازمی ہے اور ان جرمانوں پر جو ستائیس جون تک ادا نہیں کیے گئے۔ اس کے علاوہ تمام بقایا جات ٹیکس کی ادائیگی اکتیس اگست تک لازمی ہے جس میں تیس فیصد رعایت خودکار طریقہ سے دی جائے گی۔
اپنا جرمانہ ادا کرتے ہوئے ایف ٹی اے کے پورٹل کو استعمال کیا جائے۔ یہاں ٹیکس دہندگان کو ان کی کارکردگی کی بنا پر پیمنٹ ادائیگی کیلئے کہا جاتا ہے۔ ٹیکس دہنگان کی حوصلہ افزائی کیلئے ایف ٹی اے نے رجسٹریشن کرنے والوں کو بتایا ہے کہ ادائیگی کرنے سے پہلے ٹیکس ریٹرن جمع کرایا جائے۔
ٹیکس دہندگان کیلئے ضروری ہے کہ وہ ادائیگی کی جانے والی تاریخ سے قبل اپنا واجب الادا ٹیکس ادا کریں تاکہ تاخیر سے ادائیگی کے جرمانے سے بچا جا سکے۔ اسی سلسلے میں ایف ٹی اے نے واضح کیا کہ بینک ٹرانسفر ادائیگی پر کارروائی کرنے میں دو یا تین کاروباری دن لگ سکتے ہیں۔
اس مدت کو مدنظر رکھا جانا چاہیے تاکہ یہ یقینی بنایا جا سکے کہ ایف ٹی اے مقررہ تاریخ سے قبل ادائیگی وصول کرتا ہے۔
Source : Khaleej Times
