خلیج اردو: متحدہ عرب امارات میں ایک 45 سالہ عرب خاتون کو النہدہ میں ایک عمارت کو گارڈ کو اسکی نسل بارے طعنے دینے پر چھ ماہ قید کی سزا سنائی گئی ہے۔
دستاویزات کیمطابق خاتون نے دوسرے افراد کی املاک کو بھی نقصان پہنچایا ہے-
کیس کی تفصیلات کے مطابق ملزمہ ڈیوٹی پر موجود گارڈ کے پاس پہنچی اور اسے ایک کمرے کا دروازہ توڑنے کو کہا جبکہ اس دوران وہ صبح کی نماز پڑھ رہا تھا۔
گارڈ نے اس درخواست کو مسترد کرتے ہوئے اسے سمجھاتے ہوئے کہا کہ اسے گارڈ کے دروازے توڑنے کا اختیار نہیں ہے، جس کے بعد وہ اپنے کمرے میں واپس آگئی۔
تفتیشی رپورٹ میں، گارڈ نے پبلک پراسیکیوشن کو بتایا کہ وہ اسکے بیٹھنے کے پانچ منٹ بعد واپس آئی، اور اسے ہراساں کیا – پیچھے سے اس کے سر پر مارنے سے پہلے اسے کئی بار دھکا دیا۔ اس کے بعد اس نے اس کے مذہب (علامتوں) کی توہین کی اور اس کے خلاف نسل پرستانہ زبان استعمال کی۔
اس نے مزید کہا کہ وہ بعد میں عمارت کے استقبالیہ پر گئی اور تین درمیانے سائز کے سی سی ٹی وی مانیٹر اور کنکشن کیبلز کو تباہ کر دیا جس کی مالیت 3,344 درہم تھی۔
"اس نے اسکرینوں کو زمین پر پھینک دیا اور انہیں توڑکر انہیں ناقابل استعمال بنا دیا۔”
جب متاثرہ گارڈ اسکرینوں کی حفاظت اور اس خاتون کو اپنے سے دور رکھنے کی کوشش کر رہا تھا، تب اس نے اس کے بائیں بازو پر زور سے کاٹا، جہاں اسے سطحی زخم لگا۔
اسکے بعد، گارڈ وہاں سے چلا گیا اور پولیس کو بلایا جس نے اس خاتون کو گرفتار کر لیا۔
خاتون نے اپنے جرم کا اعتراف کر لیا اور تب اسے پبلک پراسیکیوشن کے حوالے کر دیا گیا۔
