خلیج اردو آن لائن:
ابوظہبی میں ٹریفک قوانین کی خلاف ورزی کرنے والوں کو ابوظہبی پولیس نے روک کر جرمانہ کرنے کی بجائے انہیں پھول پیش کیے۔
ٹریفک قوانین کی خلاف ورزی کرنے والوں کو جرمانوں کی بجائے پھول ابوظہبی پولیس کی جانب سے شروع کیے گئے Hand in Hand اقدام کے تحت پیش کیے گئے ہیں۔ اس اقدام کا مقصد ڈرائیوروں کے درمیان روڈ سیفٹی کے حوالے سے آگاہی پھیلانا ہے۔ جس میں انہیں پھولوں کے ساتھ ساتھ روڈ سیفٹی کے حوالے سے لیکچر بھی دیا جاتا ہے اور انہیں ترغیب دی جاتی ہے کہ وہ مستقبل میں ٹریفک قوانین کی خلاف ورزی نہ کریں۔
العین کے ٹریکف اینڈ پیٹرول ڈیپارٹمنٹ کے ڈپٹی ڈائریکٹر لیفٹیننٹ کرنل سیف محمد ال امیری نے بتایا کہ اس مہم کا مقصد ڈرائیوروں کو محفوظ ڈرائیونگ، ٹریفک قوانین پر عمل کرنے اور ٹریفک قوانین کی خلاف ورزیاں اکٹھی کرنے سے متعلق تعلیم دے انکی آگاہی میں اضافہ کرنا ہے۔
اس مہم کے دوران پولیس نے پھول پیش کرنے کے ساتھ ساتھ ڈرائیوروں کے درمیان سیفٹی پمفلٹ بھی تقسیم کیے اور انہیں پیدل چلنے والوں اور ڈلیوری رائڈرز اور دیگر روڈ یوزرز کا خیال رکھنے کی ترغیب دی۔
#أخبارنا | #شرطة_أبوظبي تستبدل المخالفات المرورية بالنصائح و"باقات الورود"
.التفاصيل: https://t.co/M3V6JviDo8#درب_السلامة#التوعية_المرورية pic.twitter.com/LBV9uTGBCy
— شرطة أبوظبي (@ADPoliceHQ) August 16, 2021
Source: Khaleej Times
