عالمی خبریں

ہالی ووڈ اداکارہ اور سماجی خدمات کیلئے دنیا بھر میں مشہور اداکارہ انجلینا جولی نے 20 سال بعد اقوام متحدہ کی پناہ گزین ایجنسی چھوڑ دی۔

خلیج اردو
نیویارک: ہالی ووڈ اداکارہ انجلینا جولی اقوام متحدہ کی پناہ گزین ایجنسی (یو این ایچ سی آر) کی خصوصی مندوب کے طور پر اپنے کردار سے دسبردار ہوگئی،اقوام متحدہ کے مطابق اداکارہ انسانی ہمدردی کی کارکن رہیں گی۔

جولی نے یو این ایچ سی کے ساتھ 21 سالوں سے زیادہ عرصہ تک بطور مندوب کام کیا۔ 60 سالہ اداکارہ کا کہنا ہے کہ وہ عالمی ادارے کے بغیر پناہ گزینوں کے ساتھ کام جاری رکھنا چاہتی ہیں۔

اپنی رخصتی کا اعلان کرتے ہوئے جولی نے ایک بیان میں کہا ہے کہ وہ پناہ گزینوں اور دیگر بے گھر لوگوں کی مدد کے لیے آنے والے سالوں میں اپنی استعداد کے مطابق ہر ممکن کوشش کرتی رہے گی۔

ان کا مزید کہنا تھا کہ 20 سال اقوام متحدہ کے نظام میں کام کرنے کے بعد محسوس کرتی ہوں کہ اب وقت آگیا ہے کہ میں مختلف طریقے سے کام کروں، پناہ گزینوں اور مقامی تنظیموں کے ساتھ براہ راست سرگرم رہتے ہوئے ان کی رہنمائی کروں۔

متعلقہ مضامین / خبریں

جولی 2012 سے یو این ایچ سی آر کی خصوصی ایلچی بھی ہیں۔ رواں سال انہوں نے جنگ زدہ یمن اور یوکرین کا دورہ کیا تاکہ وہاں بے گھر افراد سے ملاقات کر سکے۔

پناہ گزینوں کے لیے اقوام متحدہ کے ہائی کمشنر فلیپو گرانڈی نے جولی کی خدمات، عزم اور مہاجرین و نقل مکانی پر مجبور لوگوں کے لیے اقدامات پر ان کا شکریہ ادا کیا۔

گرانڈی نے کہا کہ یو این ایچ سی آر کے ساتھ ایک طویل اور کامیاب وقت کے بعد اپنی مصروفیت کو تبدیل کرنے اور اس کے فیصلے کی حمایت کرنے کی اس کی خواہش کی تعریف کرتا ہوں۔جانتا ہوں کہ پناہ گزینوں کا مشن اس کے دل کے قریب رہے گا اور مجھے یقین ہے کہ وہ ایک وسیع تر انسانی پورٹ فولیو پر وہی جذبہ اور توجہ دلائے گی۔

یو این ایچ سی کے اندازے کے مطابق تشدد، تنازعات اور ظلم و ستم کی وجہ سے اتنے لوگ اپنے گھروں سے نکلنے پر پہلے کبھی نہیں تھے۔ اس وقت دنیا بھر میں 100 ملین سے زیادہ لوگ بے گھر ہیں۔

Source: Khaleej Times

متعلقہ مضامین / خبریں

Back to top button