کیو ایس کی درجہ بندی میں کنگ عبدالعزیز یونیورسٹی عرب دنیا میں سرفہرست

خلیج اردو  –      کیو ایس  نے 2021 کے لیے انٹرنیشنل یونیورسٹیوں کی درجہ بندی جاری کی ہے۔

اخبار 24 کے مطابق کنگ عبدالعزیز یونیورسٹی جدہ تعلیمی اور تحقیقی پروگراموں کے باعث 143 ویں بین الاقوامی پوزیشن حاصل کرنے میں کامیاب رہی ہے۔

کیو ایس ٹاپ یونیورسٹیز ویب سائٹ نے 143 ویں بین الاقوامی پوزیشن پرکنگ عبدالعزیز یونیورسٹی کو رکھنے کے اسباب اور قواعد و ضوابط جاری کیے ہیں

کیو ایس ٹاپ یونیورسٹیز ویب سائٹ کے مطابق کنگ عبدالعزیز یونیورسٹی اعلی تعلیمی پروگرام متعارف کرانے، مختلف شعبوں میں ڈپلومہ دینے، ماسٹرز پروگرام ، ریسرچ اور پی ایچ ڈی کے معیاری مقالات تیار کرانے کی وجہ سے 143 ویں پوزیشن حاصل کرنے میں کامیاب رہی ہے۔

کنگ عبدالعزیز یونیورسٹی نے ہائی سٹڈیز کے 110 پروگرام کرائے۔ چھ ہائی ڈپلومے متعارف کرائے۔ 56 ماسٹرز پروگرام کیے اور 14 سکالرز کو پی ایچ ڈی کرائی۔ 35 پروگرام ماسٹرز کی تدریس سے متعلق نافذ کیے ہیں۔

یونیورسٹی سے تعلیم یافتہ افراد مختلف شعبہ ہائے زندگی میں اپنی صلاحیتیں منوا رہے ہیں۔