متحدہ عرب امارات کے ڈرون ڈیلیوی سروس فراہم کرنے والے برق ای وی نے گنز ورلڈ کے دو ریکارڈ توڑ دیے

خلیج اردو: سمارٹ موبیلیٹی سلوشنز کمپنی، برق ای وی، نے 13.584 کلومیٹر فاصلے تک ڈرون کے ذریعے ڈیلیوری سروس فراہم کرکے گنیز ورلڈ کے دو ریکارڈ توڑ ڈالے۔ ڈرون نے واپسی کے لیے 18.065 کلومیٹر تک پرواز کی جو کسی بھی ڈرون کی جانب سے طے کردہ طویل فاصلہ ہے۔ بدھ کو کمپنی کی طرف سے جاری کردہ ایک پریس ریلیز کے مطابق برق ای وی ،کی کامیابی متحدہ عرب امارات کے تکنیکی انفراسٹرکچر کا ثبوت ہے، جو اسے جدت کا مرکز اور جدت اور ٹیکنالوجی میں مہارت رکھنے والے اسٹارٹ اپس کے لیے ایک لانچنگ پیڈ فراہم کرتا ہے، برق ای وی متحدہ عرب امارات میں پہلا لائسنس یافتہ ڈرون ڈیلیوری سروس فراہم کرنے والا ادارہ ہے۔ برق ای وی کے بانی احمد المزروعی اور عبداللہ ابو شیخ کا کہنا ہے کہ ہماری کمپنی بالکل ابتدائی مرحلے میں ہے، اور ہم نے پہلے ہی دو گنیز ورلڈ ریکارڈ توڑ دیے ہیں۔ یہ ہم سب کے لیے ایک انتہائی قابل فخر لمحہ ہے۔ یہ کامیابی ملک میں ڈرون ڈیلیوری سروس شروع کرنے کی ہماری تیاریوں کا ثبوت ہے۔ انہوں نے مزید کہاکہ اس سے قبل، دبئی کے ولی عہد، دبئی ایگزیکٹو کونسل کے چیئرمین اور دبئی فیوچر فاؤنڈیشن (ڈی ایف ایف) کے بورڈ آف ٹرسٹیز کے چیئرمین شیخ حمدان بن محمد بن راشد المکتوم نے ڈرون ٹرانسپورٹیشن کو فعال کرنے کے لیے دبئی پروگرام کا آغاز کیا ہے۔ یہ پروگرام روایتی شپنگ اور نقل و حمل کے طریقوں سے پیدا ہونے والے کاربن کے اخراج کو کم کرکے اور سامان اور مواد کی نقل و حرکت کو آسان بنا کر لوگوں کی زندگیوں کو بہتر بناتاہے۔ انہوں نے اس امید کا اظہار کیا کہ برق ای وی اپنی منفرد خدمات کی وجہ سے خطے میں نقل و حمل اور لاجسٹکس کے شعبے میں نمایاں کامیابی حاصل کرے گا۔برق ای وی کو 2022 کے اوائل میں لانچ کیا جائے گا