خلیج اردو: دبئی کی بدعنوانی عدالت نے ایک عرب انجینئر پر 5000 درہم جرمانہ عائد کیا جب وہ متعلقہ حکام سے ضروری اجازت نامے حاصل کیے بغیر دبئی کے متعدد علاقوں کی فوٹوگرافی کے لیے ڈرون کیمرہ کا استعمال کرتے ہوئے پایا گیا۔ یہ تصویریں اس کے فون میں محفوظ تھیں۔ عدالت نے استعمال ہونے والا ڈرون کیمرہ بھی ضبط کر لیا۔
تفتیشی ریکارڈ کے مطابق یہ واقعہ نومبر 2021 کا ہے، جب ملزم القصیٰ کے علاقے میں ڈرون کیمرہ چلاتے ہوئے پکڑا گیا تھا۔ اس کی شناخت کرنے پر پتہ چلا کہ وہ ایک مکینیکل انجینئر تھا جو دبئی کی ایک کمپنی میں کام کرتا تھا اور پانی کو صاف کرنے اور سولر پینل کی تنصیب میں مصروف تھا۔
