خلیج اردو
16 دسمبر 2020
اسلام آباد : وزیر اعظم عمران خان نے سانحہ آرمی پبلک اسکول کے بعد قوم کے اتحاد کو سراہتے ہوئے کہا ہے کہ قومی یگانگت کی بدولت یہ ممکن ہوا کہ ہم امن کی جانب لوٹے۔
اپنے ٹویٹر پیغام میں وزیر اعظم عمران خان نے کہا ہے کہ آج سے 6 برس قبل آرمی پبلک سکول کے بچوں اور اساتذہ کیخلاف دہشت گردی کے بدترین حملے سے قوم شدید کرب اور صدمے سے دوچار ہوئی اور پوری قوم نے یکجا ہوکر ذمہ داروں کو کیفرِ کردار تک پہنچانے کی ٹھانی۔
Today, six years ago, the nation was shocked & grieved by the extreme act of terrorism against children & teachers of APS; & the nation came together with a resolve to take on those responsible. We remain determined & are moving forward in fulfilling this commitment to the nation
— Imran Khan (@ImranKhanPTI) December 16, 2020
مسٹر خان کا کہنا ہے کہ ہم پوری طرح پرعزم رہے اور اس حوالے سے قوم سے اپنے وعدے کی تکمیل میں آگے بڑھ رہے ہیں۔
یاد رہے کہ آج سے چھ سال پہلے سولہ دسمبر 2014 کو صوبہ خیبرپختونخوا کے صوبائی دارلحکومت پشاور میں واقع آرمی پبلک اسکول پر دہشتگردوں کے حملے میں 133بچوں سمیت 141 افراد شہید ہوئے تھے۔
اس واقعے نے پوری قوم کو شدید تکلیف میں مبتلا کیا اور اس کے بعد سیاسی اور عسکری اور سماجی قیادت نے ملکر ایک جامع قومی ایکشن پلان ترتیب دیا جس کے بدولت ملک میں امن و امان کی صورت حال میں بہتری آئی۔