خلیج اردو
کینیڈا :پولیس مونٹریال کے مضافاتی علاقے میں ایک بس کے ڈے کیئر سنٹر سے ٹکرانے سے دو بچے ہلاک اور چھ دیگر زخمی ہو گئے۔
پولیس کے ترجمان نے بتایا کہ لاول میونسپلٹی کے پبلک ٹرانزٹ سسٹم کے 51 سالہ ملازم بس ڈرائیور کو قتل اور لاپرواہی سے ڈرائیونگ کرنے کے الزام میں گرفتار کیا گیا ہے۔
پولیس نے مزید تفصیلات فراہم کرنے سے انکار کر دیا جب کہ وہ ڈرائیور سے تفتیش اور پوچھ گچھ کرتے ہیں، جس نے کہا کہ وہ 10 سال سے ٹرانزٹ سسٹم کے لیے کام کر رہا ہے اور اس کا کوئی مجرمانہ ریکارڈ نہیں ہے۔
یہ واقعہ صبح پیش آیا، جب بچوں کو عام طور پر ان کے والدین ڈے کیئر سینٹرز میں چھوڑ دینے گئے ۔
کیوبیک کی فیملیز منسٹر سوزین رائے نے کہا کہ "جو کچھ ہوا اس سے ہر کوئی بہت غمگین ہے،جب آپ اپنے بچوں کو دن بھر کے لیے ڈے کیئر پر چھوڑتے ہیں، تو آپ کو معلوم ہوتا ہے کہ وہ اچھے ہاتھوں میں ہیں جبکہ اگر ایسا کوئی واقعہ ہو تاہے، تو یہ ہمیں ہلا کر رکھ دیتا ہے اور ہمیں ٹکڑے ٹکڑے کر دیتا ہے۔
حادثے کے ارد گرد کے حالات یا ممکنہ محرک فوری طور پر واضح نہیں ہو سکا۔ پولیس نے بتایا کہ جن چھ بچوں کو ہسپتال لے جایا گیا ان کی حالت پہلے سے بہتر ہیں ۔
حکام نے بچوں کی عمروں کی تصدیق نہیں کی، لیکن کینیڈین براڈکاسٹنگ کارپوریشن کے مطابق، 5 سال سے کم عمر کے تقریباً 80 بچے اس ڈے کیئر سہولت میں شریک ہوتے ہیں۔
کینیڈا کے وزیر اعظم جسٹن ٹروڈو کے ساتھ ساتھ کیوبیک کے وزیر اعظم فرانکوئس لیگلٹ نے واقعے کے بعد اہل خانہ سے تعزیت کا اظہار کیا۔
ٹروڈو نے کہا کہ کوئی الفاظ اس درد اور خوف کو دور نہیں کر سکتے جو والدین، بچے اور کارکنان محسوس کر رہے ہیں لیکن ہم یہاں آپ کے لیے ہیں۔
لاوال کینیڈا کے دوسرے سب سے زیادہ آبادی والے صوبے کیوبیک میں مونٹریال کے شمال مغرب میں تقریباً 30 کلومیٹر (20 میل) کے فاصلے پر ہے۔
